Thursday , January 20 2022

Taytay bilang Bike City

TAYTAY, Rizal – Agresibong isinusulong ng lokal na pamahalaan ang paghulma ng bayang higit na kilala bilang Garments Capital upang maging isang ganap na Bike City.

At upang paigtingin ang kanilang programang naglalayong himukin ang lahat na makibahagi sa eco-friendly at cost-efficient na transportasyon, nagpamahagi ang Taytay local government ng daan-daang mountain bikes para sa kanilang mga residenteng bumibiyahe araw-araw patungo sa kani-kanilang trabaho.

Pahayag ni Taytay Mayor Joric Gacula, isang bike enthusiast, malaking bentaha ang pagbibisikleta sa kalusugan at bulsa, bukod pa sa bawas polusyon.

Gayon pa man, hindi aniya sapat ang may bisikleta lang. Kailangan din aniya ng safety helmets at bike lanes para masiguro ang ligtas na biyahe ng mga magbibisikleta patungo at mula sa kani-kanilang pinapasukang trabaho – kaya naman nagpamahagi na rin siya ng hindi bababa sa 3,000 helmet sa kanilang local bikers.

Ayon kay Taytay Municipal Engineer Ronald San Juan, nakatakda nang simulan ng lokal na pamahalaan ang construction ng permanent bike lanes sa kanilang bayan ngayon second quarter ng taon.

Batay sa datos ng local traffic division sa nasabing bayan, tumaas ang bilang ng mga gumagamit ng bisikleta sa kanilang bayan mula nang magluwag ang Inter-Agency Task Force for the Management of Emerging Infectious Diseases sa community quarantine status ng Metro Manila at Calabarzon region noong Hunyo nang nakaraang taon.

Sa kanilang tala, hindi bababa sa 3,000 ang dumaraan araw-araw sa mga pangunahing daluyan ng trapiko. Bunsod nito magtatalaga rin ang LGU ng mas maraming traffic marshals sa designated bike lanes upang tiyakin ang kaligtasan ng magbibisikleta patungo at pauwi mula sa kanilang trabaho.

Sa ilalim ng kanilang Bike City plan, idurugtong ang mga nasabing bike lanes sa mga major transport terminals.

“Bago dumating ang pandemya, mabibilang mo lang ang naglalakas loob na magbisikleta patungo sa kanilang trabaho dahil sa ilang dahilan — kawalan ng bisikleta at kawalan ng katiyakan sa kanilang kaligtasan. Pareho natin tutugunan ang kanilang agam-agam upang ganap nang maging bike-friendly city ang Taytay,” pahayag ni Gacula.

About hataw tabloid

Check Also

Krystall Herbal Oil

Lagnat, ubo, at sipon tatlong araw lang sa FGO Krystall herbal products

Back to BasicNATURE’S HEALINGni Fely Guy Ong Dear Sister Fely Guy Ong, Ako po si …

Krystall Herbal Oil, mosquito bite, Kagat ng lamok

Insect bites at peklat ‘walang sinabi’sa Krystall Herbal oil

Back to BasicNATURE’S HEALINGni Fely Guy Ong Dear Sis Fely Guy Ong,             Ako po …

Loiegie Dano Tejada

CEO & president ng Ms L’s Beauty and Wellness artistahin

MATABILni John Fontanilla ARTISTAHIN ang CEO & President ng napakatagumpay na negosyo na Ms L’s Beauty …

Alma Concepcion Rhea Tan Beautederm

Alma Concepcion proud user, seller, at ambassador ng Beautederm

ALAM MO NA!ni Nonie Nicasio IPINAHAYAG ni Alma Concepcion na proud siya sa mga produkto …

Krystall Herbal FGO Fely Guy Ong

Ubo’t sipon ngayong taglamig, Omicron ba?

Back to BasicNATURE’S HEALINGni Fely Guy Ong NITONG mga nakalipas na araw, sandamakmak ang nilalagnat, …

Leave a Reply