TINATAYANG nasa P500,000 halaga ng hinihinalang shabu ang nakompiska ng pinagsamang mga operatiba ng Bataan PPO sa ikinasang drug bust nitong Martes, 2 Marso sa Brgy. Sabatan, sa bayan ng Orion, lalawigan ng Bataan.
Kinilala ni P/Col. Joel Tampis, provincial director ng Bataan PPO, ang suspek na si Brian James Sevilla, 31 anyos, binata, kabilang sa high value individual, at nakatira sa nasabing lugar.
Nakompiska ng mga awtoridad mula sa suspek ang isang ice bag na naglalaman ng hinihinalang shabu na halos umabot sa kalahating milyon ang halaga, at P1,000 marked money na ginamit sa operasyon.
Nakatakdang sampahan ng kasong paglabag sa mga probisyon ng Section 5 at 11 ng RA 9165 o Comprehensive Dangerous Drugs Act of 2002 ang suspek na nakapiit sa Bataan PNP custodial facility.
(RAUL SUSCANO)
