Nora bilang ang exposure sa Bilangin…

MALAPIT ng tuldukan ang Bilangin ang mga Bituin sa Langit pero marami pa rin ang nagtatanong kung bakit kulang yata sa exposure ang idol nilang si Nora Aunor.

Nang mamatay na raw ang karakter ni Divina Valencia bihira nang makita sa screen si Guy. Puro raw pagtuklas kung magkapatid ba sina Kyline Alcantara at Yasser Marta ang ipinakikitang tagpo.

Kahit naman hindi aminin ni Mylene Dizon ang totoo alam na ng televiewers ang katotohanan.

Between the two, komento ng fans ni Nora, ang superstar ang gustong palaging may nagtatanong kung kailan ba muling eeksena ang kanilang idolo?

Naiinip na nga sila dahil hindi nila napapanood si Nora. Kaya naman ang tanong muli nila, may pasabog daw bang ipakikita si Guy. O palagi na lang patago-tago sa mag-inang Isabel Rivas at Inah Feleo.

SHOWBIG
ni Vir Gonzales