Resto sa SM City Cebu tinupok ng apoy
NAPINSALA ng sunog ang bahagi ng SM City Cebu sa Brgy. Mabolo, lungsod ng Cebu, pasado 1:00 p nitong Sabado, 27 Pebrero.
Sa pahayag ng Cebu City Fire Department (CCFD), dakong 1:16 pm nang makatanggap sila ng alarma kaugnay sa sunog na sumiklab sa isang restawran sa ikatlong palapg ng mall.
Ayon kay FO2 Fulbert Navarro, kontrolado ang apoy dakong 2:09 pm at tuluyan naapula bandang 2:15 ng hapon.
Patuloy na nagsasagawa ng imbestigasyon ang mga awtoridad upang matukoy ang sanhi ng sunog.
Walang naiulat na nasaktan sa sunog.
