ISA si John Lloyd Cruz sa inaasam-asam na makatrabaho ni Janine Gutierrez nang lumipat siya sa ABS-CBN bukod kina Paulo Avelino, JC Santos, Carlos Aquino, Angelica Panganiban, Nadine Lustre, Liza Soberano, Angel Locsin at iba pa.
Nabanggit ito ng aktres sa nakaraang zoom mediacon para sa pelikulang Dito at Doon nila ni JC na mapapanood na sa Marso 17 sa mga sinehan na produced ng TBA Studios at idinirehe ni JB Habac.
Kuwento ni Janine nang banggitin ang pangalan ni JLC, ”Oh my! Pangarap ko ‘yun! I don’t even know if it’s possible. High school pa lang, pangarap ko ‘yun. So, yeah, why not!”
At dito inamin ni Janine na fan siya ni Lloydie na halos lahat ng pelikula nito ay napanood niya tulad ng One More Chance (3 installment), The Mistress kasama si Bea Alonzo at lahat ng pelikulang kasama si Sarah Geronimo na A Very Special Love series.
“Pati mga horror, pati Feng Shui. Simula bata ako, pati ‘Hello, Love, Goodbye,’” saad pa ng dalaga.
Anyway, bukod kina Janine at JC, kasama rin sa Dito at Doon sina Yeshi Burce, Victor Anastacio, at Lotlot de Leon.
FACT SHEET
ni Reggee Bonoan
