Sunday , June 23 2024

LoiNie sa kung sino ang mas matindi ang love: Mahirap kung one sided at isa lang ang nagbibigay

ANG magka-loveteam at magkasintahang sina Ronnie Alonte at Loisa Andalio ang naging panauhin ni Erich Gozales sa kanyang Youtube channel kamakailan. Isa sa tanong ni Erich sa dalawa ay kung sino ang unang nagti-text everyday.

Ang sagot ni Loisa, siya. ”Feeling ko, ako ang nauuna.’Pag tini-text ko siya ng 8:00 a.m., 9:00 a.m. or 10 a.m. na siya nagri-reply.”

Na ayon naman kay Ronnie, kaya late ang reply niya ay dahil late na siyang nagigising. Lagi kasi siyang puyat sa kasi-cell phone sa gabi.

Natanong din sa kanila kung sino ang mas matindi ang pagmamahal sa isa’t isa. Sabi ni Loisa, sa estado nila ngayon, pakiramdam niya ay parehas lamang na matimbang ang pagmamahal na ibinibigay nila. Mahirap kasi kung ang relasyon ay one-sided at isa lang ang nagbibigay.

“Kasi feeling ko ‘yun ‘yung mahirap eh,… ‘yung ‘pag may naramdaman mo na ‘Ha? Ako na lang ‘yung nagmamahal ha’. Pero ngayon sa ’min nararamdaman ko naman na it’s a tie,””  paliwanag pa niya.

Gayunman, hindi ikinaila ni Loisa na dati ay mas expressive siya pagdating sa pagpapakita ng kanyang affection.

Ayon pa sa dalaga, kapag nagmahal ang isang tao, dapat ay iniisip din niya ang sarili.

“‘Yan ang perfect. Dapat nagtitira sa sarili.”

Nang tanungin naman si Ronnie kung nakikita ba niyang sila na ni Loisa ang magkakatuluyan, ang sagot niya, ”Sa totoo lang, ako sasagutin ko, kahit sabihin kong oo, hindi mo rin naman talaga masasabi. Pero hangga’t kayo, iparamdam mo sa kanya na siya na talaga ‘di ba?”

Hirit naman ni Loisa, makatutulong na may kongkretong plano rin sa pakikipagrelasyon.

“So dapat ‘pag papasok ako sa isang relasyon, gusto ko talaga may plano, hindi ‘yung basta parang jowain lang kita para may jowa ako. Hindi ‘yung ganoon. Iba rin ‘yung nagre-ready kayo para sa future ninyo.” 

MA at PA
ni Rommel Placente

About Rommel Placente

Check Also

Darren Espanto D10 Star Magic

Darren Espanto pambato ng Star Magic  

SHOWBIZ KONEKni Maricris Valdez Nicasio NATAWA kami sa tinuran ni Darren Espanto nang matanong kung …

Diwata

Diwata walang kiyemeng kumain ng tsiken habang sumasagala 

MATABILni John Fontanilla HINDI na nga maitatago pa ang kasikatan ng social media viral pares …

Ogie Diaz Mama Loi Bea Alonzo

Ogie naghain ng counter-affidavit, Mama Loi perjury case vs Bea Alonzo

MA at PAni Rommel Placente KASAMA ang kanilang abogadong si Atty. Regie Tongol, humarap sina Ogie Diaz, …

Vilma Santos Carlo Aquino Charlie Dizon

Ate Vi bumawi sa mga inaanak na sina Carlo at Charlie

MA at PAni Rommel Placente ISA ang tinaguriang Star For All Seasons na si Vilma Santos sa …

Child Haus Ricky Reyes

TEAM Gift Giving & Feeding project sa Child Haus matagumpay Advocacy ni Ricky Reyes pagtulong  sa mga batang may cancer

ALAM MO NA!ni Nonie Nicasio MASAYA ang pag-welcome ni Mader Ricky Reyes sa mga kasapi …

Leave a Reply

Your email address will not be published. Required fields are marked *