Thursday , March 30 2023

Pagsugod at pambabastos ni Mariel Rodriguez kay Ivana Alawi hindi na bago (KC Concepcion biktima rin)

DURING our time in ABS-CBN at publicist kami ng mga teleserye ng Dreamscape Entertainment at Star Creatives kasama na ang number one noong Sunday showbiz oriented talk show na “The Buzz” ay may nakapagbulong sa amin tungkol kay Mariel Rodriguez na may attitude problem raw at maldita kaya walang gaanong kaibigan sa showbiz.

Tapos noong hingin ang suporta namin para sa morning show noon ni KC Concepcion na “Simply KC” na umere ng 2 seasons, ay may narinig kaming isyu na bina-badmouth umano ni Mariel si KC at minamaliit niya ang husay sa hosting ng mega daughter. Kesyo marami naman daw mahusay na host sa Kapamilya network e, bakit si KC ang pinili ng kanilang parehong mother network. Mabuti at nang makarating ito kay KC ay pinagpasensiyan na lang siya.

So for us, hindi na bago sa amin ‘yung pagsugod at pambabastos nga raw ni Mariel sa baguhang aktres na si Ivana Alawi — rich na at sikat na sikat na ngayong vlogger.

Dahil madlita nga at may kapasidad talaga ang misis ni Robin Padilla na gawin ito kay Ms. Alawi na kanyang ipinahiya sa mga kasamahang artista. Umeere pa noon ang teleseryeng “Sino Ang Maysala: Mea Culpa” nang maging panauhin ang buong cast sa It’s Showtime para mag-promote ng kanilang soap.

Oo nandoon na tayo, bawat artista sa ABS-CBN ay may privacy sa kanilang dressing room at kung may kasama man sila ay PA nila o handler o Kapamilya. Pero hindi naman din siguro ikamamatay ni Mariel kung saglit na nag-stay ang production assistant ni Ivana sa room niya dahil puno na nga silang lahat ng co-stars niya sa Mea Culpa sa isang dressing room na assigned sa kanila.

Saka nagbigay respeto naman daw ‘yung PA ni Ivana sa taong nasa room ni Mariel. Kaya ang ikinasama raw talaga ng loob ni Ivana ay ‘yung sigaw-sigawan siya ni Mariel sa harapan ng mga kasamang artista at sabihang bastos!

Puwede naman daw siyang kausapin ng TV host-actress-vlogger (Rodriguez) na silang dalawa lang at doon siya pagsabihan na bawal pumasok ‘yung PA niya sa room nito.

Well although naka-move on na raw si Ivana ay disappointed pa rin siya sa inasal ni Mariel na iniidolo pa naman daw niyang host na pinanonood niya lagi.

Well puwedeng nagbago na si Mariel dahil mabait at makatao ang kanyang husband na si Binoe, siguro masungit lang siya noong single pa. Nadadamay pa tuloy ngayon ‘yung kanyang pagkakaroon ng dugong Amerikano.

Yes, isang Fil-American si Mariel.

VONGGANG CHIKA!
ni Peter Ledesma

 

About Peter Ledesma

Check Also

Mystica Stanley Villanueva

Mystica sobra-sobra ang pagdadalamhati, anak pumanaw

MA at PAni Rommel Placente SOBRANG malungkot ngayon ang novelty singer na si Mystica. Pagkatapos kasing …

Klea Pineda

Klea kaya pang makipaglampungan sa lalaki kahit umaming gay

COOL JOE!ni Joe Barrameda FINALLY, nag-come out na si Klea Pineda bilang miyembro ng LBGQT community. Maganda …

Jane de Leon Angel Aquino

Jane hanga sa tapang, talento, at ugali ni Angel Aquino

MA at PAni Rommel Placente SA panayam ni Darla Sauler kay Jane de Leon sa Kumu, tinanong ng una ang …

Marco Gumabao Cristine Reyes

Marco sa relasyon nila ni Cristine — mas masarap na private lang, walang nakiki-usyoso

MA at PAni Rommel Placente MADALAS makita na magkasama sina Cristine Reyes at Marco Gumabao.  Kamakailan ay nakita …

Kokoy de Santos

Sa naranasang hirap sa buhay
KOKOY PAMILYA MUNA ANG INUUNA

I-FLEXni Jun Nardo HIRAP din noon sa buhay ang Kapuso actor na si Kokoy de Santos noong panahong hindi …

Leave a Reply

Your email address will not be published. Required fields are marked *