MISTULANG nagbabalik-tanaw ang mga televiewer kapag pinanonood ang Anak ni Biday Versus Anak ni Waray nina Barbie Forteza at Kate Valdez kasama sina Dina Bonnevie, Snooky Serna, Jay Manalo, at Celia Rodriguez.
Ang estilo raw kasi ng mga kalupitan nina Dina at Kate kay Barbie ay parang siyang ginagawa nina Bella Florez at Zeny Zabala pero mas higit malupit manakit ang una.
Noong araw kasi ay wala namang sabunutan o sampalan. Nilalait lang at kung ano-anong masasakit na salita ang sinasabi.
Mistulang martir nga si Barbie sa dalawang kontrabida.
Maganda namang panoorin kaya lang may komento sa pananakit nila kay Barbie na hindi na puwedeng gawin sa mga kasambahay.
SHOWBIG
ni Vir Gonzales
