Sunday , July 14 2024

7 timbog sa Oplan Salubong Madaanan (Sa Bulacan)

MAGKAKASUNOD na nadakip ang pitong lalaking sangkot sa ipinagbabawal na droga sa pinaigting na anti-crime drive ng pulisya sa lalawigan ng Bulacan hanggang kahapon, 14 Pebrero.

Sa ulat kay P/Col. Lawrence Cajipe, provincial director ng Bulacan PNP, sunod-sunod na naaresto ang limang hinihinalang mga tulak ng ilegal na droga sa ikinasang buy bust operations ng mga tauhan ng Station Drug Enforcement Units ng Obando, Plaridel, San Ildefonso at Paombong Municipal Police Stations.

Kinilala ang naunang limang arestadong suspek na sina Tristan Santos ng Brgy. Panghulo, Obando; Albino Villafuerte ng Brgy. Lalangan, Plaridel; Miguel Caine Cruz, at Peter Joshua Manansala, kapwa ng Brgy. Anyatam, San Ildefonso; at Rolando Delos Reyes, mula sa Brgy. San Isidro 1, Paombong, pawang sa lalawigan Bulacan.

Nasamsam mula sa mga suspek ang 11 selyadong plastic sachets ng hinihinalang shabu, apat na plastic sachets ng marijuana, at buy bust money.

Samantala, sa inilatag na “Oplan Salubong Madaanan” ng mga tauhan ng Malolos City Police Station (CPS), timbog ang dalawang lalaki dahil sa pag-iingat ng ilegal na droga sa Brgy. Bulihan, sa lungsod ng Malolos.

Nabatid na pinahinto ng mga operatiba ang motorsiklong minamaneho ni Albert Mariñas at isang 16-anyos menor de-edad, kapwa residente sa Brgy. Liang, sa naturang lungsod, dahil wala silang suot na helmet.

Ngunit imbes tumigil ay pinaharurot ng mga suspek ang kanilang motorsiklo papunta sa direksiyon ng Capitol View Park kung saan sila nakorner ng mga awtoridad.

Sa pagkapkap sa dalawa, nasamsam kay Albert Mariñas ang isang maliit na plastic na naglalaman ng tuyong dahon ng marijuana.

Dinala ang mga nasamsam na ebidensiya sa Bulacan Provincial Crime Laboratory para sa pagsusuri samantala inihahanda ng mga awtoridad ang kasong paglabag sa RA 9165 o Comprehensive Dangerous Drug Act of 2002 laban sa mga suspek. (MICKA BAUTISTA) 

About Micka Bautista

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …

Leave a Reply

Your email address will not be published. Required fields are marked *