Wednesday , July 24 2024

8 tulak, 4 wanted persons timbog sa Bulacan PNP

Arestado ang walong hinihinalang mga tulak ng ipinagbabawal na gamot at apat na nagtatago sa batas sa drug bust at manhunt operations na isinagawa ng pulisya sa lalawigan ng Bulacan hanggang kahapon ng umaga, 8 Pebrero.

Sa ulat mula kay P/Col. Lawrence Cajipe, provincial director ng Bulacan PNP, ikinasa ang serye ng anti-illegal drug operations ng mga tauhan ng Station Drug Enforcement Unit (SDEU) ng Bustos, Sta. Maria, Norzagaray, Angat, Marilao, at Paombong municipal police stations.

Kinilala ang walong drug suspects na sina Jericho Villanueva mula sa Brgy. San Pedro, bayan ng Bustos; Jomar Dabalos ng Brgy. Mag-asawang Sapa, bayan ng Santa Maria; Richelle Maningas at Barbie Macay ng Brgy. Muzon, lungsod ng San Jose Del Monte; Cipriano Nepomuceno, Jr., at Marvin Nobe ng Brgy. Lambakin, bayan ng Marilao; Arcie Enriquez ng Brgy. San Isidro 1, bayan ng Paombong; at isang hindi pinangalanan mula sa Brgy. Tigbe, bayan ng Norzagaray.

Nakompiska mula sa kanila ang 18 plastic sachets ng hinihinalang shabu, 31 plastic sachets ng marijuana, buy bust money, dalawang cellphone; at isang Rusi motorcycle.

Dinala ang mga nadakip na suspek at nakompiskang mga ebidensiya sa Bulacan Provincial Crime Laboratory Office para sa kaukulang pagsusuri habang inihahanda ang pagsasampa ng kasong paglabag sa RA 9165 o Comprehensive Drug Act of 2002 laban sa mga suspek.

Samantala, arestado rin ang apat na wanted persons na tinutugis ng tracker teams ng Criminal Investigation and Detection Group (CIDG), Plaridel at Marilao Municipal Police Stations (MPS) sa bisa ng iba’t ibang warrants of arrest.

Kinilala ang wanted persons na sina  Ariel de Jesus ng Brgy. Tabang, bayan ng Plaridel na may kasong Qualified Theft; Jessie Jose Soriano Jr., at Jocelyn Soriano, kapwa residente ng Deca Homes, Loma de Gato, bayan ng Marilao, na kapwa nadakip dahil sa paglabag sa BP 22; at Joven Masong ng Brgy. Gaya-Gaya, lungsod ng San Jose Del Monte, arestado sa kasong Robbery.

(MICKA BAUTISTA)

About Micka Bautista

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Leave a Reply

Your email address will not be published. Required fields are marked *