Saturday , February 8 2025

Rep. Along tumulong sa repair ng 2 tulay sa Maypajo, Caloocan

INIUTOS kamakailan ni Caloocan Rep. Dale “Along” Malapitan ang agarang inspeksiyon at pagsasaayos ng dalawang tulay sa Barangay 31 ng Maypajo sa ikalawang distrito ng lungsod ng Caloocan upang pangalagaan ang mga residenteng nakatira rito sa nagbabadyang panganib sakaling tuluyang masira ang nasabing tulay.

“Itong tulay (sa pagitan ng Talilong street at Paulicas street) na ito ay matagal nang nagbibi­gay serbisyo sa mga taga-Maypajo. Nananatili itong nakatayo sa kabila ng maraming kalamidad na naranasan natin nitong nagdaang mga taon gaya ng lindol, baha at bagyo na naging dahilan kung kaya’t ito’y unti-unti ng nasisira,” saad ni Malapitan.

Ang pagpapaayos ng Talilong-Paulicas bridge ay ang mabilisang tugon ng kongresista sa apela ni Emma Flores Jativa, residente ng Barangay 31, na nanawagang sana ay ma-repair ang tulay, may sukat na tatlong metro, bago pa man mapahamak o maaksidente ang sino man sa mga kaanak ng 25 pamilya na naninirahan sa nasabing lugar.

Personal na ininspeksiyon ni Malapitan ang tulay matapos kompirmahin ni barangay chairman Jose Mercado na sira na nga ang tulay na nagdudug­tong sa dalawang daan.

“Matapos ibalita ni chairman Mercado sa akin ang banta na dulot ng tulay ay mabilis tayong tumugon at nag-abot ng tulong pinansiyal sa barangay. Ibinilin ko rin kay chairman Jose at sa kanyang konseho na agad isaayos ang tulay upang mapi­gilan ang peligrong maaaring dalhin nito sa mga naninirahan sa lugar ng Talilong at Paulicas,” ani Malapitan.

Nagpahayag ng pasasalamat ang mga residente ng Barangay 31 sa maagap na pagtugon ni Malapitan sa kanilang pana­wagan.

“Hindi limitasyon na tumulong sa ibang distrito. Masaya akong makatulong at makapagbigay serbisyo sa mamamayan ng Caloocan,” sagot ng kongresista, kasunod ng paglilinaw na hindi lamang paggawa ng batas ang kanyang trabaho kundi pati na ang pagtiyak sa kaligtasan, kaayusan at kapakanan ng mga taga-Caloocan.  (JUN DAVID)

About Jun David

Check Also

Kathryn Bernardo Joshua Garcia TNT

Kathryn, Joshua pinasaya masusuwerteng TNT KaTropa

MASAYA ang pagpasok ng taon para sa limang masuwerteng TNT subscriber na nakahalubilo ang mga KaTropang sina Kathryn …

Krystall Herbal Oil

Hilot-Krystall paborito ng lolo ng isang OFW

Back to BasicNATURE’S HEALINGni Fely Guy Ong Dear Sis Fely Guy Ong,          Ako po …

Flagship ng ICTSI FIRST NEAR-ZERO EMISSION RTGs SA PH

Flagship ng ICTSI
FIRST NEAR-ZERO EMISSION RTGs SA PH

GUMAWA ng isang makabuluhang hakbang ang Manila International Container Terminal (MICT), flagship operation ng International …

SM Foundation opens 2025 College Scholarship Application

SM Foundation opens 2025 College Scholarship Application

Continuing the mission of SM Group Founder Henry Sy, Sr. in education, the SM College …

Krystall B1B6, Krystall Herbal Oil

Senior Citizen alagang “Krystall Herbal Oil”at “Krystall B1B6” kailangan laban sa pneumonia

Dear Sis Fely Guy Ong,          Magandang araw po sa inyong lahat.          Hindi na …

Leave a Reply

Your email address will not be published. Required fields are marked *