Friday , March 29 2024
Covid-19 positive

Pinoy galing Dubai, positibo sa UK CoViD-19 variant

INIHAYAG ng Department of Health (DOH) at Philippine Genome Center (PGC) na isang Filipino mula sa Dubai, United Arab Emirates ang nagpositibo sa bagong coronavirus variant na unang nadiskubre sa bansang United Kingdom.

“The DOH and the PGC today officially confirm the detection of the B.1.1.7. SARS-CoV-2 variant (UK variant) in the country after samples from a Filipino who arrived from the United Arab Emirates on January 7 yielded positive genome sequencing results,” ayon sa pahayag nitong Miyerkoles, 13 Enero.

Nabatid na lumipad patungong Dubai ang lalaking pasyenteng residente ng lungsod ng Quezon, para sa negosyo noong 27 Disyembre at bumalik sa Filipinas nitong 7 Enero sakay ng Emirates Flight No. EK 332.

Pagdating sa bansa, sumailalim ang lalaki sa mandatory quarantine, nagsagawa ng swab test, at doon natuklasan na positibo siya sa CoVid-19 kaya nagsagawa ng gene sequencing upang alamin kung nagkaroon ng mutation sa kaniyang virus.

Samantala, negatibo sa virus ang kasama niyang babae na naka-quarantine rin.

May 30 bansa ang isinailalim ng Filipinas sa temporary travel restriction dahil sa pangamba sa UK variant ng virus na sinasabing mas mabilis makahawa.

Dahil sa naturang travel restriction, hindi maaaring makapasok sa bansa ang mga dayuhan mula sa mga bansang mayroong kaso ng UK variant ng virus.

Pinapayagan lamang ang mga Filipino na makauwi o bumalik sa Filipinas na manggagaling sa mga bansang nakapailalim sa travel restriction. (KARLA OROZCO)

About Karla Lorena Orozco

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *