Pinakamalamig na klima sa panahon ng Amihan naitala sa Baguio (Sa temperaturang 10.4 °C)

NARANASAN ng lungsod ng Baguio ang pinakamalamig na umaga ngayong panahon ng Amihan nang bumagsak sa 10.4 degrees Celsius ang temperatura dakong 6:30 am nitong Linggo, 10 Enero.

Dala ang malamig na klima ng umiiral na northeast monsoon o hanging amihan mula sa Siberia na mararanasan sa kalagitaan ng Enero hanggang Pebrero.

Noong isang taon, naitala ang pinakamalamig na temperatura sa 9.4°C, pinakamababa sa loob ng huling tatlong taon.

Samantala, naitala ang pinakamalamig na temperatura sa lungsod noong 18 Enero 1961 sa 6.3° C.