MAKAKAROMANSA ni Rayver Cruz si Glaiza de Castro sa unang pagkakataon sa coming Kapuso series na Nagbabagang Luha.
Eh, wala na rin kasi ang girlfriend ni Rayver na si Janine Gutierrez sa Kapuso Network kaya malaya siyang pumareha sa iba.
Adaptation ng classic 80s movie na pinagbidahan nina Gabby Concepcion, Lorna Tolentino, Alice Dixson, at Richard Gomez ang coming series.
Magbabalik si Glaiza mula sa Ireland para gawin ang series na totodo ang acting dahil ‘yung character niya eh ginampanan sa movie ni Lorna T.
Dito yata sumikat ang classic line ni Lorna kay Alice na tungkol sa lalaking kapwa nila minamahal. Tanda ko na dayalog ni Alice kay Lorna, ”Mamatay ako Ate kapag nawala si___.” Sagot ni Lorna sa kanya, ”Ipalilibing kita!”
Isang baguhan ang lalabas sa character ni Alice, si Claire Castro.
I-FLEX
ni Jun Nardo
