Thursday , May 26 2022

P8.5-M shabu nasabat 2 tulak timbog sa PDEA (Sa Maguindanao)

DALAWANG hinahi­na­lang tulak ang naaresto at nakompiskahan ng tinatayang P8.5 milyong halaga ng shabu sa magkahiwalay na anti-drug operations sa lalawigan ng Maguindanao nitong Miyerkoles, 6 Enero.

Sa buy bust operation na ikinasa sa Brgy. Dalican, sa bayan ng Datu Odin Sinsuat, pasado 11:00 am, agad nadakip ang dalawang tulak matapos ibigay sa poseur buyer ang tinatayang 250 gramo ng shabu na nagkakahalaga ng P1,700,000.

Ayon kay Agent Anthony Naive ng Philippine Drug Enforcement Agency (PDEA), naganap ang transaksiyon sa kahabaan ng national highway.

Nakompiska din mula sa mga suspek na kinilalang sina Sabir Tahir Omar, at Inar Bulilo, ang isang motorsiklo, mga cellphone, marked money, at iba’t ibang mga ID.

Dagdag ni Naïve, isinailalim sa surveillance ang dalawa nang mahigit isang buwan bago ginawa ang pag-aresto.

Kasalukuyang naka­detine ang dalawang suspek sa PDEA detention cell sa lungsod ng Cotabato.

Samantala, sa isa pang operasyon na ikinasa ng magkasanib na puwersa ng PDEA, pulisya, at Philippine Marines, naka­takas ang isa pang drug dealer matapos maibigay ang isang kilong shabu sa poseur buyer sa harap ng isang pampublikong paa­ralan sa Brgy. Dalo­mangcob, sa bayan ng Sultan Kudarat.

Tinatayang nagkaka­halaga ng P6,8oo,ooo ang nasabat na droga.

Ani Naive, nakatunog ang suspek, na kinilala sa alyas na Saddam, na undercover agent ang kaniyang katransaksiyon kaya mabilis na tumakas matapos maibigay ang plastic bag na naglalaman ng shabu.

About hataw tabloid

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …

Leave a Reply