Thursday , March 28 2024
Caloocan City Mayor Oscar “Oca” Malapitan

P1.6-B pandemic funds dapat ipaliwanag ni Mayor Malapitan

PINAGPAPALIWANAG ng mga konsehal si Caloocan City Mayor Oscar Malapitan kung saan-saan at paano ginamit ang mahigit P1 bilyong supplemental budget na inaprobahan ng konseho para tugu­nan ng lokal na pama­halaan ang pangangai­langan ng mga mama­mayan sa panahon ng pandemya.

Sa ipinadalang liham nina City councilors Christopher Malonzo, Ma. Rose Mercado, Alexander Mangasar, Ricardo Bagus, at Marylou Nubla, pinaalalahanan nila si Malapitan na itinakda ng inapro­bahang ordinansa para sa supplemental budget ang pagsusumite ng alkalde ng written report kada ika-15 araw kung paano nagamit ang pera.

Kabilang sa mga nakasaad sa ordinansa ang alokasyon ng P92,245,176.75  at P33, 964, 325.31 para sa pagbili ng relief goods, pagbibigay ng social amelioration, medical services, supplies and equipment, at pagtulong para makaahon ang ilang sektor na naapektohan ng CoVid-19.

Para naman sa hazard pay ng mga pumasok na casual at permanent employees kahit may peligro ng CoVid ay naglaan ang konseho ng P11,176,000 at P17,787,000.

May inilaan din ang konseho para sa cash food assistance o P1,000 sa bawat mamamayan ng lungsod na umaabot sa P368,626,556 at P131,373,443.51.

Sa CoVid response naman na lead implementor ang City DRRMO, naglaan ang konseho ng P265,364,355 samantala P4,444,465.50 para sa pagbabayad ng Special Risk Allowance sa regular at casual employees ng City General Services Department.

Binanggit din ng mga konsehal ang pag­lalaan ng P320,000,000 para sa pagbili ng tablet ng mga estudyante para sa kanilang online classes, P250,000,000 sa welfare goods, P25,000,000 para sa CoVid patients, drugs and medicines at P105 million para sa mobile botica, medical dental and laboratory supplies, testing kits.

Hiniling ng mga konsehal na isumite ni Mayor Malapitan ang pangalan ng mga kompanya, suppliers, contractors, at mga kaukulang presyo ng lahat ng binili ng lungsod gamit ang mga pondong inaprobahan ng konseho.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *