Caretaker ng palaisdaan todas sa boga
PATAY ang caretaker ng isang palaisdaan nang pagbabarilin ng dalawang hindi kilalang salarin sa bayan ng Hagonoy, lalawigan ng Bulacan, nitong Martes, 5 Enero.
Sa imbestigasyon ng mga tauhan ng Hagonoy Municipal Police Station (MPS), kumakain ang biktimang si kinilalang si Alexander de Guia sa isang kubo kasama ang kinakasama nang biglang dumating ang dalawang armadong lalaki na may takip na tela ang mga mukha.
Nabatid na lumabas ng kubo si De Guia upang kausapin ang dalawang lalaki nang bigla siyang pagbabarilin.
Nang matiyak na patay na ang biktima, nagmamadaling nagsitakas ang mga suspek kasunod ang paghingi ng saklolo ng kinakasama ni De Guia.
Kasalukuyang inaalam ng pulisya ang motibo sa krimen gayondin ang pagkakakilanlan ng mga suspek.
(MICKA BAUTISTA)
