BINAWIAN ng buhay ang isang babae matapos maatrasan ng isang nakaparadang kotseng walang sakay sa bayan ng Aguilar, lalawigan ng Pangasinan, nitong Lunes ng gabi, 4 Enero.
Nabatid na biglang umandar paatras ang sasakyang nakaparada sa isang elevated parking lot at nagulungan ang biktimang nakatayo sa likod nito na kinilalang si Aida Reyes, 56 anyos, dakong 7:45 pm kamakalawa, sa Brgy. Manlocboc, sa naturang bayan.
Ayon kay P/MSgt. Joseph Laoang ng Aguilar police, isinugod sa Nazarene General Hospital sa bayan ng Lingayen si Reyes dahil sa pinsala sa ulo.
“Maaaring hindi kumagat masyado ang hand brake kaya umatras bigla ang sasakyan na nai-park ng miyembro ng kanilang pamilya,” ulat ng pulis.
