Tuesday , June 25 2024

Meryll, ipinakilala na kay Willie ang anak nila ni Joem Bascon

IPINAKILALA na ni Meryll Soriano ang anak nila ni Joem Bascon sa tatay niyang si Willie Revillame nitong Enero 2 na ang caption ng larawan nilang tatlo ay, ”with Lolo” na naka-post sa kanyang Instagram account.

Pero nitong Enero 1, Bagong Taon ay ipinakilala na ni Meryll ang anak sa tatay nitong si Joem at ipinost niya ang larawan nilang apat kasama ang anak nitong si Elijah.

Ang caption ng larawan, ”2021! May this year be kinder to us all. May we all find peace, joy and love. New year, new hopes, new positive outcomes. Happy New Year from our family to yours!”

Anyway, 2019 nang huli naming makausap sina Meryll at Joem sa grand presscon ng pelikulang Culion na entry nila sa Metro Manila Film Festival.

Ilang beses naming tinanong kung nagkabalikan sila dahil nga nauna silang magka-relasyon noon sa teleseryeng Betty La Fea pero nagkahiwalay din.

At muling nagkalapit sina Joem at Meryll sa shooting ng Culion at taping ng teleseryeng Starla na si Judy Ann Santos ang bida.

Si Joem naman ay nagkaroon ng karelasyon at nagsama sila sa iisang bahay ng vlogger na si Crisha Uy na umabot sa 8 years at balitang ikakasal na rin, pero sa hindi malamang dahilan ay nagkahiwalay ang dalawa.

Pilit naming inaalam noon kay Joem kung bakit sila naghiwalay ni Crisha pero nakiusap siyang huwag na lang pag-usapan dahil in pain pa rin siya ng mga panahong iyon.

At inamin naman niyang hindi sila nagkabalikan ni Meryll at ayaw pa niyang i-entertain ang thought dahil masakit pa rin ang hiwalayan nila ni Crisha.

Si Meryll naman ay umaming handa na uli siyang magmahal dahil 5 years na rin naman siyang single, ”I’m ready to love,” sabi niya sa aming panayam.

Hindi naman hadlang ang anak niyang si Elijah kung sakaling magmahal ulit ang mama niya dahil gusto rin niyang magkaroon ng kapatid. Kasama ng aktres ang anak sa premiere night ng Culion nang makausap namin ang bagets.

Pero, Pasko at Bagong Taon ng 2019 ay halatang nagkabalikan na ang dalawa dahil dumalo si Joem sa selebrasyon ng pamilya ni Meryll kaya noong 2020 ay balikan na talaga ang dalawa.

At heto, 2021 ay ipinakilala na ni Meryll ang anak nila ni Joem sa publiko.

Anyway, sinilip namin ang Youtube channel ni Crisha na may video siya three days ago lang na Truth and Dare kasama ang kaibigang si Gandang Kara at natanong kung may feelings pa siya sa sinumang exes niya.

Ang bilis ng sagot ng ex ni Joem, ”wala!  I’m good, I’m good! (sabay sayaw).’’

FACT SHEET
ni Reggee Bonoan

About Reggee Bonoan

Check Also

Blind Item, Matinee Idol, Mystery Man

Poging BL Star nalaglagan ng poppers at lubricant habang pinagkakaguluhan ng mga faney

ni Ed de Leon IYON namang isang Poging BL Star, nagbakasyon yata sa abroad. Nasalubong siya roon …

Blind Item, Men

Young Male Star madalas sa orgynuman, fave imbitahan sa secret gay parties

ni Ed de Leon NAALALA tuloy namin ang isang tsismis pang narinig namin, iyong si Young …

Ronnie Liang Harry Roque AR dela Serna

Ronnie Liang nadamay lang sa usaping Harry at AR

HINDI naman daw date ang nakita sa video na magkasama sina Ronnie Liang at Harry Roque. Iyon pala …

KDLex KD Estrada Alexa Ilacad

KDLex marami pang proyektong kaabang-abang

HOTTEST Musical Pair ang taguri ngayon kina KD Estrada at Alexa Ilacad o mas kilala sa kanilang tambalang KDLex. Mula …

Kathryn Bernardo Barbie Forteza David Licauco

Barbie sa pagkokompara kay Kathryn—big honor for me, sana makatrabaho ko siya

GRABE pala ang paghanga ni David Licauco kay Kathryn Bernardo. Maging si Barbie Forteza ay wish nitong makatrabaho ang Box-Office …

Leave a Reply

Your email address will not be published. Required fields are marked *