Tuesday , November 30 2021

Mag-utol na paslit nilamon ng apoy (Sa Araw ng Pasko)

PATAY ang dalawang batang edad 3 anyos at 4 anyos nang masunog ang kanilang bahay noong araw ng Pasko, 25 Disyembre, sa bayan ng Tubod, lalawigan ng Lanao del Norte.

Ayon kay P/Maj. Salman Saad, tagapagsalita ng Lanao del Norte police, ikinandado ng mga magulang ng magkapatid ang bahay at tanging kasama lang nila sa loob ay isang nakataling aso sa Barangay Tanguegueron, saka tumungo sa kanilang taniman dakong 8:00 am noong Biyernes.

Sa salaysay ng mga kapitbahay, nagsimula ang sunog dakong 11:30 am at sinubukan umanong apulain ito ngunit mabilis na kumalat ang apoy sa bahay na gawa sa light materials.

Dagdag ni Saad, nakita rin umano ng mag-asawang kinilalang sina Junie Palongpalong at Judelyn Gargoles ang sunog mula sa kanilang taniman at dali-daling umuwi ngunit nadatnan nilang naabo na ang kanilang bahay.

Natagpuang magkayakap ang sunog na mga labi ng magkapatid sa kusina ng bahay.

Patuloy na nag-iimbestiga ang mga awtoridad upang matukoy ang pinagmulan ng apoy dahil walang linya ng koryente ang bahay.

Kinukuwestiyon din ng pulisya ang dalawang kapitbahay na ayon sa mga residente ay malapit sa nasusunog na bahay ngunit hindi sinubukang iligtas ang mga bata.

About hataw tabloid

Check Also

Sab Aggabao Cara Gonzales Ayana Misola Stephanie Raz Darryl Yap

Direk Darryl sa Pornstar: Sampal sa mga konserbatibo

SHOWBIZ KONEKni Maricris Valdez Nicasio “THIS is a testament.” Ito ang iginiit ni Direk Darryl …

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Leave a Reply