Monday , June 24 2024

Fan Girl, big winner sa 46th MMFF; Charlie at Paulo, best actor at actress

NAPANALUNAN ng pelikulang Fan Girl ang karamihan sa awards sa 46th Metro Manila Film Festival na idinaos virtually Linggo ng gabi, December 27.
Hosts sina Kylie Versoza at Marco Gumabao sa Gabi ng Parangal na itinanghal na Best Actress ang female lead star ng Fan Girl na si Charlie Dizon at itinanghal namang Best Actor in a Leading Role si Paulo Avelino mula rin sa Fan Girl.
Bukod dito, naiuwi rin ng Fan Girl ang mga tropeo bilang Best Picture,  Best Director (Antoinette Jadaone), Best Screenplay (Antoinette Jadaone), Best Editing (Benjamin Tolentino), Best Cinematography (Neil Daza), at Best Sound (Vincent Villa).
Nanalo namang Best Actress in a Supporting Role si Shaina Magdayao para sa pelikulang Tagpuan (ng Alternative Vision Cinemas ni Quezon City 5th District Congressman Alfred Vargas); ang Tagpuan din ng direktor na si Macarthur Alejande ang itinanghal na 3rd Best Picture.
Ang nanalong Best Actor in a Supporting Role ay si Michael de Mesa para sa pelikulang Isa Pang Bahaghari na produced ng Heaven’s Best Entertainment.
Ang FPJ Memorial Award ay ipinagkaloob sa pelikulang Magikland na nanalo ring Best Visual Effects (Richard Francia at Ryan Grimarez/Central Digital Lab), Best Production Design (Ericson Navarro), at Best Musical Score (Emerzon Texon).
Ang The Boy Foretold by the Stars naman ang itinanghal na 2nd Best Picture at ito rin ang napili para sa Gender Sensitivity Award at nanalo ring Best Original Theme Song (Ulan by Jhay Cura/Pau Protacio).
Best Child Performer si Seiyo Masumaga ng pelikulang The Missing at Best Student Short Film naman ang Paano Maging Babae ng De La Salle College of Saint Benilde.
Ipinagkaloob naman ang Gatpuno Antonio J. Villegas Cultural Award sa Suarez: The Healing Priest.
Ang Special Jury Prize ay iginawad sa yumaong direktor na si Peque Gallaga samantalang ang Manay Ichu Vera Perez Maceda Award ay iginawad kay Ms.Gloria Romero.
Rated R
ni Rommel Gonzales

About Rommel Gonzales

Check Also

Zara Lopez Reece Sapphire

Zara Lopez sa kabila ng mga pagsubok may matibay pananalig sa Diyos, nakatutok sa mga anak na sina Reece at Sapphire

ALAM MO NA!ni Nonie Nicasio KAHIT dumating man ang maraming pagsubok at dagok sa buhay, …

BGYO

BGYO nagsampa cyberlibel at unjust vexation vs mga indibidwal na nagpapakalat ng fake news

MA at PAni Rommel Placente HINDI na nakapagpigil, nagsampa ng kasong cyberlibel at unjust vexation …

Gary Estrada Dina Bonnievie Bernadette Allyson Carmina Villarroel

Gary ini-stalk noon si Dina; magpapakamatay ‘pag ‘di pinansin 

MA at PAni Rommel Placente SA guesting ni Gary Estrada sa Saturday morning show na Sarap, Di Ba? ng GMA …

AR dela Serna Harry Roque

Sino nga ba si AR dela Serna na laging kasa-kasama ni Harry Roque sa Europe?

HATAWANni Ed de Leon MAY ilang nagpadala sa amin ng messages ilang araw na at …

Darren Espanto D10 Star Magic

Darren Espanto pambato ng Star Magic  

SHOWBIZ KONEKni Maricris Valdez Nicasio NATAWA kami sa tinuran ni Darren Espanto nang matanong kung …

Leave a Reply

Your email address will not be published. Required fields are marked *