Friday , June 14 2024

Direk Dinky Doo, mambubulabog sa telebisyon

SA kabila ng pagiging tengga sa bahay at sa buhay ng karamihan sa panahon ng pandemya, may nga taong hindi hinayaang masayang ang galaw ng kanilang buhay sa bawat araw.

At para kay Direk Dinky Doo, may dahilan ang muli nilang pagkikita ng kanyang kaibigang negosyanteng si Tony Tan. Hindi para lang magkakuwentuhan at habulin ang mga lumampas na panahon.

“Kuwentuhan na nauwi sa usapan para makabuo ng ideang pwedeng isalin at gawing programa sa telebisyon. Nakaisip kami ng konseptong ang family values ang iikutan. But at the same time, may mensaheng ibabahagi o ii-impart sa mga manonood dahil makare-relate rin ang sambayanan.”

Mabilis makaisip ng konsepto si Direk Dinky. Kaya bago matapos ang taon, bilang pang-good luck na rin, magsisimula nang mag-taping ang mga pinili niyang magiging bahagi ng Pamilya Labulabo na artista siya at direktor din.

“Iikot siya sa istorya ng isang pamilya. Naka-sentro sa padre de pamilya na may tatlong anak na pawang mga panganay sa iba-ibang mga ina. Na may kanya-kanyang personalidad. May matalino, may trendy at fashionista, mayroon ding praktikal.

“Sa loob ng tahanan, maraming pangyayaring magpapakita ng kaguluhan, sigalot at iba pang problemang bibigyan ng solusyon o lunas sa bawat episode.”

Ang goal ng negosyanteng si Sir Tony ay maibahagi sa pamamagitan ng palabas ang mga bagay na ramdam din nating nagaganap sa ating kapaligiran na konektado sa mga buhay natin.

Kabilang na sa mga napili nina Direk at Sir Tony na mapabilang sa nasabing sitcom ay sina Alynna Velasquez, Garie Concepcion, Kara Honasan, Bong Alvarez, Irene Solevilla, John Arcenas, Dagul, at JKhriez at marami pang sasakay sa iba pang mga karakter.

Ipinagpapasalamat ni Direk Dinky ang pagdating ng mga pagkakataong marami pa rin siyang mga taong matulungan sa pagsisimula niya ng bagong proyekto.

“Alam natin ang hindi kadaliang paraan ng pagtatrabaho sa kasalukuyan. Na kailangang sumailalim sa health protocols lalo na kung lalabas tayo para mag-taping. Naihanda natin ang lahat ng kailangan for that. At sa kooperasyon din ng lahat, eh alam mong magiging maayos naman ang takbo ng lahat.”

Tutok man si Sir Tony sa sari-sari niyang mga negosyo, pero sa muli nilang pagkikita ng kanyang kaibigan, alam niyang magiging isang instrumento siya para makapagbahagi ng isa na namang naiibang programang hindi lang basta makapagpapasaya sa mga manonood kundi magbubukas, hindi lang sa mga mata kundi sa kaisipan din ng lahat.

Ano ba ang gagampanan ng padre de pamilyang si Labrador “Labs” Ulabo sa kanyang tatlong dilag na sina Lucy, Vissy, at Mindy? At sa sari-saring pangyayaring kanilang kakaharapin.

Paano ang pagkakagulo? Ang paglalabo-labo? Riot!

Sabi rin ni Direk Dinky, sangkaterbang celebrities ang maglalabas-masok sa sitcom sa mga hindi aasahang roles na gagawin nila.

Let’s see! Handang-handa na para sumigaw ng Yebahdabadoo si Direk Dinky sa kanyang produksiyon!

HARD TALK!
ni Pilar Mateo

About Pilar Mateo

Check Also

Kapuso Fans Day Independence

Kapuso stars lilibutin ang ‘Pinas sa Araw ng Kalayaan

RATED Rni Rommel Gonzales TIYAK na memorable at espesyal ang paggunita sa Araw ng Kalayaan …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Alden Richards Miss Universe MUPH

Alden ‘di raw pwedeng maging voice talent ng Waze

HATAWANni Ed de Leon NATAWA kami sa isang video sa social media. Hindi raw dapat …

Richard Gomez Lucy Torres

Richard nawala nga ba kagwapuhan at ningning nang pumasok sa politika?

HATAWANni Ed de Leon NATAWAG ang aming pansin ng comment ng dating kasamahang si Ronald Carballo na …

The EDDYS

7th EDDYS sa July 7 na; delayed telecast sa ALLTV sa July 14

MAS maningning at kaabang-abang ang The 7th EDDYS awards night ng Society of Philippine Entertainment Editors (SPEEd) ngayong 2024. …

Leave a Reply

Your email address will not be published. Required fields are marked *