Wednesday , June 19 2024

Velasco ‘cheap’ (‘Deputy speakership’ pabuyang singko-mamera ng PH — MECO)

GINAWANG ‘cheap’ ni House Speaker Lord Allan Velasco ang posisyong Deputy Speaker ng House of Representatives na singkong mamera na lang na maituturing  nang gawin itong ‘pabuya’ sa mga kaalyadong kongresista na sumuporta sa kanya sa nangyaring Speakership row sa pagitan nila ni dating House Speaker Lord Allan Velasco.

Sa kanyang column sa pahayagang Manila Standard sinabi ni Manila Economic and Cultural Office (MECO) chairman Lito Banayo, sa ginawang pagdadag ni Velasco ng 9 deputy speakers na umabot na sa kabuuang 28 ay malinaw na wala nang dignidad at self respect ang Kamara.

Kung dati umano ay tatlo lamang ang Deputy Speaker na kumakatawan sa Luzon, Visayas at Mindanao, ngayong 28 na sila, lumalabas na bawat isang deputy speaker ay 10 mambabatas na lamang ang magiging hawak.

“Having 28 deputy speakers alone means each leader is theoretically in charge of just 10 other peers in the 300-member House. For reasons of self-respect and dignity, naman. Has anyone in the House of Representatives discovered the meaning of ‘gravitas,’” pahayag nito.

Aniya, hind lamang dagdag gastos ang pagkakaroon ng sang­katerbang deputy speaker kundi nanganga­hulugan din ito ng dagdag pa pakikialam sa mga polisiya.

“Not only because it costs our taxpayers additional perks, and a pre-emptive say on the pork, but also because the deputy speaker becomes a member of the “comite de paki-alam” as in puwedeng pakialaman ang lahat,” paliwanag ni to.

Ani Banayo, sa ginawa ni Velasco na gawin lahat na deputy speakers ang kanyang mga kaalyado ay lalo lamang nitong pina­baba ang imahen ng Kamara.

Gayondin ang tingin ng batikang political analyst na si Ramon Casiple, aniya, masyado nang pinahahalata ni Velasco na ang galawan sa Kamara ay bilang paghahanda sa 2022 elections, bukod sa dinag­dagan niya ang bilang ng Deputy Speaker ay dinagdagan din niya ng ilang bilyong piso ang infrastructure budget ng mga kaalyadong kongresista.

“Ito ‘yung kapalit ng suporta na natanggap niya (Velasco) sa mga kaalyadong congressman e, posisyon at pera, ang dali niyang ipamigay ang posisyon at pera pero ang pondo ng bayan ang nakataya,” pahayag ni Casiple na sa laki umano ng budget ng mga mambabatas ay kalahati lamang ang napupunta sa mga proyekto at kalahati ay sa bulsa.

Una nang sinabi ni Casiple na maituturing nang scandal ang pagka­karoon ng 28 deputy speaker dahil hindi kailangan ang ganito karaming posisyon na wala namang naga­gawa maliban sa dagdag gastos.

Ang siyam na bagong Deputy Speakers ay sina Arnolfo Teves, Jr.; Negros Oriental 3rd District Rimpy Bondoc; Pampanga 4th District; Bernadette Herrera Dy, Bagong Henerasyon; Kristine Singson Meehan, Ilocos Sur 2nd District; Divina Grace Yu, Zam­boanga del Sur 1st District; Rogelio Pacquiao, Sarangani; Bienvenido Abante, Jr., Manila 6th District at ang dalawang kapwa kinatawan ng Valenzuela na sina 2nd District Rep. Weslie Gatchalian at 1st District Rep. Eric Martinez.

Ang nabanggit na mambabatas ay may malaking papel na ginampanan sa pagbaba sa puwesto ni Cayetano kaya bilang kapalit nang maitalaga si Velasco na House Speaker ay plum position ang ibinigay para sa kanya.

Ang deputy speakership ay isang plum post sa Kamara dahil bukod sa pagiging senior position ay may kaakibat din na perks gaya ng budget na P200-M at pagkakaroon ng voting powers sa mga committee.

HATAW News Team

About hataw tabloid

Check Also

blind item

Male starlet nagbanta kung walang project goodbye produ na

ni Ed de Leon INAMIN ng isang male starlet na ginawa niya ang lahat ng ipinagawa sa …

Navotas tumanggap ng 145 bagong athletic scholars

Navotas tumanggap ng 145 bagong athletic scholars

NAG-ALOK ang pamahalaang lungsod ng Navotas ng scholarship sa 145 Navoteño elementary at high school …

TiboQC Federation Pride March QC Joy Belmonte

300 miyembro ng TiboQC lalahok sa Pride Month

MAHIGIT 300 miyembro ng TiboQC Federation ang inaasahang lalahok sa Pride March sa lungsod sa …

Lunod, Drown

Naligo sa ulan 
8-ANYOS TOTOY PATAY SA CREEK

WALA NANG BUHAY nang matagpuan ng mga rescuer ang katawan ng isang batang lalaki na …

dead gun police

Mangingisda patay sa pamamaril

PATAY ang isang mangingisda matapos pagbabarilin ng hindi pa nakikilalang salarin sa bahagi ng karagatan …

Leave a Reply

Your email address will not be published. Required fields are marked *