Sunday , June 16 2024
Duterte CPP-NPA-NDF
Duterte CPP-NPA-NDF

‘Leftist Duterte’ pakulo lang Palasyo todo-iwas

ni ROSE NOVENARIO

HINDI direktang sinagot ng Palasyo ang isyu na pakulo lang ni Pangulong Rodrigo Duterte ang pahayag dati na siya’y leftist.

Imbes tumugon sa tanong ng media kung gimik lang ni Duterte ang pagiging maka-kaliwa bago at matapos ang 2016 presidential elections, sinabi ni Presidential Spokesman Harry Roque na napundi ang Pangulo sa mahabang panahon na isinusulong ng mga rebeldeng komunista ang armadong pakikibaka.

Panawagan ni Roque sa mga rebeldeng komu­nista, ibaba ang armas at lumahok sa parliamentary struggle at iba pang legal na pama­maraan ng pakikibaka.

“Well, alam mo ang Presidente naman po prangka e, pumayag nga siya na maging kabahagi ng kanilang legal front, iyong naunang organi­sasyon ng Karapatan. Noong siya ay kumam­panya bilang presidente, siya ang sinuportahan ng Makabayan Bloc, binig­yan niya ng representative sa gabinete ang Makabayan bloc, ito po ay nagpakita na handang makipag-ugnayan at makipagbayanihan ang Presidente sa lahat ng mga Filipino kasama na itong Makabayan Bloc. Pero ang punto nga po ni Presidente, kailan ba titigil itong labanan? Bakit hindi pa kasi itigil na, ibaba na iyong kanilang mga armas at gawin na lang ang pakikibaka doon po sa kongreso at sa mga legal na pamamaraan?” ani Roque sa virtual Palace press briefing noong Huwebes.

Ngunit mismong patron niyang si Pangulong Duterte ay pasimuno sa red-tagging sa Makabayan bloc, na ang pagkaluklok sa Kongreso ay alinsunod sa probisyon sa ilalim ng partylist system sa 1987 Constitution.

Inamin kahapon ni Defense Secretary Delfin Lorenzana ang pagpa­padiskalipika sa Makabayan bloc sa susunod na eleksiyon ang isa sa mga paraan upang matanggal sila sa Kongreso.

“Isa ‘yan sa methods o paraan na puwede silang matanggal sa Kongreso. Dahil alam ninyo ang history nila, wala naman silang ginawa kundi batikusin ang gobyerno. Habang nandiyan sila lalong lumalakas ang CPP-NPA. Dahil sa legal fronts nga raw sila, mayroon silang legal cover, para bang sa kanila, puwede na nilang gawin ang gusto nilang gawin dahil legal fronts sila,” sabi ni Lorenzana.

Komento ng ilang political observer, kontra­pelo ang mga pahayag nina Roque at Lorenzana, ang Presidential Spokesman ay para sa parliamentary struggle ng leftists habang ang Defense Secretary ay para sa pagpapatanggal sa Makabayan bloc sa Kongreso.

Kaugnay nito, binuweltahan ni ACT Teachers parylist Rep. France Castro si Loren­zana sa pagpapa­diskalipika sa kanila sa 2022 elections.

“Hindi ang pag­papatanggal sa amin ang magpapahina o mag­papatalo sa CPP-NPA kung iyon ang gusto nilang mangyari. Mas marami lamang mama­mayan ang magagalit at lalaban sa adminis­trasyong prayo­ridad ang atakehin ang mga lehitimong pana­wagan ng mamamayan sa gitna ng pandemiya at matin­ding krisis pang-eko­nomiya,”  aniya.

About Rose Novenario

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *