Rosanna Roces nag-shooting kahit bagyo para sa pelikulang “Anak Ng Macho Dancer” (Sobrang professional)

BURADO na talaga ‘yung dating attitude ni Rosanna Roces na late sumisipot sa taping o shooting during her prime. Mismong si Direk Joel Lamangan ay nagulat.

Na-encounter na ni Direk Joel ang dating ugali ni Rossana sa pelikulang Hustisya kasama si Nora Aunor, pero ngayon sobrang aga na kung dumating sa set nila sa Zambales.

Kinompirma ito ni Mama Jobert Sucaldito na ngayon ay  involve sa production ng bagong movie outfit ni Joed Serrano na GodFather Productions, na kahit daw bagyo ay dumarating sa set si Rosanna.

Nakita nga namin ang post ni Osang sa kanyang FB na tumuloy sila ng kanyang partner/handler na si Boy George (Blessy Arias) sa Zambales kahit na rumaragasa ang typoon Ulysses. Well, since nabigyan uli ng pagkakataon ng kaibigan niyang director at business unit head na si Direk Ruel Bayani, talagang ipinangako na ng friend din naming actress na magiging propesyonal na siya at pinanindigan niya ito.

By the way, martir na asawa ni Allan Paule ang ginagampanan ni Osang sa Anak ng Macho Dancer, na obra nga ni Lamangan at anak ng mahusay na actress dito ang bidang newcomer actor na si Sean de Guzman.

Kasama pala si Rosanna sa movie na “Suarez, The Healing Priest” na si John Arcilla ang bida. Isa ito sa entries sa Metro Manila Film Festival 2020 na idinirek ni Joven Tan.

VONGGANG CHIKA!
ni Peter Ledesma