Monday , October 25 2021

Walang “counter propaganda” ang media group ni Velasco

SA KABILA ng sunod-sunod na banat na ginagawa ng mga kalaban ni House Speaker Lord Allan Velasco dahil sa ipinatutupad nitong ‘purging’ sa Mababang Kapulungan ng Kongreso, tahimik, at walang aksiyong isinasagawa ang kampo ng Speaker lalo na ang media group nito.

Ngayon ang tamang panahon para magsagawa ng counter propaganda o “offensive” ang head ng media team ni Velasco para ipaliwanag at ipamukha sa grupo ni Cayetano na makatuwiran lamang ang nangyayaring paglilinis at maging maayos ang pagpapatakbo ng Kamara.

Matagal na pinakinabangan ni Cayetano at mga kampon nitong kongresista ang Lower House at napapanahon at makatuwiran lamang na sibakin sila ni Velasco sa kani-kanilang mga puwesto.

Hindi rin kakayanin ni Velasco na panatilihin sa puwesto ang mga kaalyado ni Cayetano dahil magreresulta lamang ito ng panibagong hidwaan sa hanay ng mga kongresista at malamang na magkaroon ng kudeta at magluklok ng panibagong speaker.

Kaya nga, nakatali talaga ang kamay ni Velasco at kailangang ipagpatuloy nito ang ginagawang ‘purging’ sa grupo ni Cayetano at maipakita sa kanyang mga tunay na kaalyadong kongresista ang ganting-hakbang ng bagong liderato ng Kongreso.

Pero sa kabila ng giyera na nangyayari sa Kamara, mukhang walang pakinabang at hindi maaasahan ni Velasco ang kanyang media group dahil pinababayaang upakan at pulutanin ng mga kalaban sa social at mainstream media ang kanilang amo.

Hindi na kailangang hintayin pa ng media group na makapaghasik ng intriga o black propaganda ang mga kalaban ni Velasco at baka dumating ang panahong magkawatak-watak sila at tuluyang magtagumpay at mapatalsik ang Speaker.

Sa ngayon, dapat magtuloy-tuloy ang isinasagawang “cleansing” sa Kamara at kalusin ang mga sipsip kay Cayetano at sibakin sa kanilang puwesto para higit na mapagkaisa ang mga kaalyado ni Velasco at maiwasang makapagpalaganap ng intriga.

Bukod sa pinakahuling sinibak na si Rep. Jose Antonio Sy-Alvarado, dapat ay isunod na rin si Majority Floor Leader Martin Romualdez na sibakin sa kanyang puwesto dahil sa naging sagad-sagaring tuta rin ito ni Cayetano.

At kung nasa puwesto pa rin itong sina Rep. Mike Defensor, Rep. Rodante Marcoleta, Rep. Pidi Barzaga at Rep. Boying Remulla, dapat lang na kumilos na si Velasco at sipain na ang mga ito sa kani-kanilang posisyon. Hindi ba’t tuta rin ang mga ito ni Cayetano?

Kaya nga, napakabigat talaga ng gawain at responsibilidad ni Velasco, at hindi niya ito mapagtatagumpayan kung patuloy na tutulog-tulog at hindi kikilos ang kanyang media group.

Ang tagumpay ng programa ng Mababang Kapulungan ng Kongreso ay kaakibat lagi ng maayos na pagpapatakbo ng propaganda machinery ng media group ni Velasco. Hindi magtatagumpay si Velasco kung patuloy na magiging palpak ang kanyang media team.

Teka, teka, sino nga ba itong babaeng media handler ni Velasco?

SIPAT
ni Mat Vicencio

About Mat Vicencio

Check Also

Bulabugin ni Jerry Yap

Dumausdos sa survey
‘TVC’ NI YORME DAPAT PALITAN

BULABUGINni Jerry Yap HINDI patok sa masa ang TV ads ni Manila Mayor Francisco “Isko …

Bulabugin ni Jerry Yap

Presyo ng langis sumirit energy secretary Al Cusi, anyare?

BULABUGINni Jerry Yap HINDI lang pala kalihim ng enerhiya at political party executive si Secretary …

Balaraw ni Ba Ipe

Dalawang kriminal

BALARAWni Ba Ipe HAYAAN na magbalik tanaw sa kasaysayan. Hayaan na talakayin ang kuwento ng …

Usaping Bayan ni Rev. Fr. Nelson Flores, MSCK, JD

Idalangin natin ang kaharian ng Diyos dito sa lupa

USAPING BAYANni Rev. Fr. Nelson Flores, MSCK, JD. NAKALULUNGKOT na ang ating lipunang ginagalawan ay …

Bulabugin ni Jerry Yap

SENATORIAL SLATE NG BAWAT PARTIDO ‘NAMUMUTIKTIK’ NA POLITICAL BUTTERFLY

BULABUGINni Jerry Yap MUKHANG walang buong line-up ang bawat partido politikal na sasabak sa eleksiyon …

Leave a Reply