Friday , October 22 2021

P26-M damo nasabat sa QC 2 kelot, bebot deretso sa hoyo

TIMBOG ang dalawang lalaki at isang babae makaraang mahulihan ng malaking halaga ng pinatuyong dahon ng marijuana sa ikinasang joint buy bust operation ng pulisya sa Balintawak, Quezon City.

Ayon sa ulat na nakarating kay NCRPO chief, P/BGen. Vicente Danao, Jr., dakong 7:40 am ikinasa ng pinagsanib na puwersa ng NCRPO Regional Intelligence Division at PNP Drug Enforcement Group (PDEG) ang buy bust sa Balintawak.

Sa naganap na drug bust, naaresto ang mga suspek na sina Dianne Irene Rodriguez Cambalicer, 37 anyos, negosyante;  Louie Mark Cuballes Cuerdo, 29, driver; at Angelo Buenaventura Pascual , 22 anyos, walang trabaho, na nakalulan sa isang Nissan Urvan.

Target ng buy bust na makabili ng ilang kilo ng marijuana upang malam­bat ang mga suspek ngunit nang magkabilihan ay tumambad sa mga operatiba ang mga sako at kahon na naglalaman ng mga pinatuyong dahon ng marijuana.

Ayon kay P/DEG Special Operations Unit3 (SOU3) P/Lt. Col. Glen Gonzalez, nasamsam sa mga suspek ang tinata­yang 217 kilo ng marijuana na tinatayang P26 milyon ang halaga.

Nabatid kay NCRPO RID chief P/Col. Hansel Marantan, target nilang masakote ang mga kasabwat ng tatlong suspek.

Ayon sa isang suspek, napag-utusan siyang dalhin ang mga kontra­bando habang ang dalawa pa ay tikom ang bibig nang kapanayamin ng media.

Pinuri ni NCRPO chief P/BGen. Danao ang matagumpay na operasyon.

Aniya, “This is an example of good cooperation and collaboration of our Intelligence Division to other PNP units tulad ng PNP DEG with participation of our local police at HPG resulting to the confiscation of large amount of marijuana. We continue our intensified and no let up campaign against all forms of illegal drugs, Mabuhay ang ating pulisya na nagseserbisyo nang tapat, may tapang at malasa­kit,” ani Danao.

Nakatakdang iharap sa media ni PNP chief, General Debold Sinas ang mga suspek at ang nakompiskang marijuana.

(BRIAN BILASANO)

About Brian Bilasano

Check Also

Aiko Best Supporting Actress sa 34th Star Awards for TV

Aiko Best Supporting Actress sa 34th Star Awards for TV

MA at PAni Rommel Placente ITINANGHAL na Best Supporting Actress si Aiko Melendez para sa mahusay niyang …

‘Party drugs’ distributor sa Bulacan, atbp., timbog sa Marikina

NAKOMPISKA ang may 103 piraso ng ‘ ecstasy ’ na tinatayang nagkakahalaga ng P185,400 mula …

Chest X-Ray

Mga empleyado ng Kapitolyo, PDLs sa Tanglaw sumailalim sa libreng TB screening, chest x-ray

SA LAYUNING mahanap ang mga may aktibong Tuberculosis (TB), maipalaganap ang kaalaman, at mabawasan ang …

6K paniki nasabat sa 4 lalaki (Sa San Miguel, Bulacan)

Sa San Miguel, Bulacan
6K PANIKI NASABAT SA 4 LALAKI

INARESTO ng pulisya ang apat na lalaking nahulihan ng mahigit 6,000 wrinkle-lipped bats o paniki …

dead gun police

Sa Negros Occidental
KABIBIYUDANG EMPLEYADO NG CITY HALL TODAS SA BOGA NG TANDEM

ISANG bagong biyudang empleyado ng city hall ang namatay nang barilin ng dalawang hindi kilalang …

Leave a Reply