Tuesday , September 27 2022

Quarrying, illegal logging susugpuin ng DILG (Ikinatuwa ng mga Bulakenyo)

IPINAG-UTOS kahapon, 23 Nobyembre, ng Department of the Interior and Local Government (DILG) na sugpuin ang illegal logging at quarrying, na itinuturo ng mga awtoridad na dahilan ng matinding pagbaha kasunod ng magkakasunod na bagyo sa bansa.

Ipinahatid ni DILG Secretary Eduardo Año sa mga local government units (LGUs) at Philippine National Police (PNP) na ipatupad ang pagsugpo sa pamamagitan ng muling pagpapasigla ng kanilang lokal na Anti-Illegal Logging Task Forces.

Ipinaalala ng kalihim, sa ilalim ng 2011 Memorandum ng Department of Environment and Natural Resources (DENR), kinakailangang tiyakin ng mga municipal at city mayor na walang illegal logging, quarrying, kaingin, at iba pang uri ng pagkasira ng kagubatan ang mangyayari sa kanilang mga nasasakupan.

Matapos mabatid ang kautusan, natuwa ang mga residente sa Bulacan kung saan namamayagpag ang illegal logging sa mga kabundukan gayondin ang quarrying sa mga maraming ilog sa lalawigan.

Ilang linggo ang nakararaan ay nahuli sa akto ng Bulacan police ang illegal loggers mula sa Nueva Ecija na ilegal na nagpuputol ng puno sa kabundukan ng Sierra Madre sa bayan ng Doña Remedios Trinidad.

Wala rin tigil ang reklamo ng taong bayan sa walang habas na quarrying sa mga burol at ilog sa mga bayan ng Sta. Maria, Pandi, Norzagaray, lalo sa Angat na ang itinuturong nasa likod ay mga lokal na opisyal.

“Sana, hindi nila balewalain ang kautusang ito ng DILG dahil kung magpapatuloy ang pagsira ng kalikasan sa Bulacan ay baka humantong ito sa trahedya, na harinawang ‘wag naman sanang mangyari,” pahayag ng isang environmentalist sa bayan ng Angat. (MICKA BAUTISTA) 

 

About Micka Bautista

Check Also

arrest posas

Miyembro ng kilabot na criminal gang nasakote

ARESTADO ang isang hinihinalang miyembro ng kilabot na criminal gang na nakatala bilang isang high …

Angat Dam

Sa kabila ng patuloy na pag-ulan…
TUBIG SA ANGAT DAM BUMABABA PA RIN

SA kabila ng patuloy na pag-ulan sa Metro Manila at mga karatig-lugar, patuloy na bumababa …

Bong Revilla Jr Lani Mercado

Sen Bong wala nang balak tumakbo sa mas mataas na posisyon

SHOWBIZ KONEKni Maricris Valdez Nicasio “SA kanila na ang posisyon!” Ito ang iginiit ni Sen Bong Revilla nang …

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Leave a Reply