Saturday , September 24 2022

Rigondeaux kakasahan si Casimero sa 2021

PINAG-UUSAPAN na  ang posibleng laban  nina bantamweight champions John Riel Casimero at Guillermo Rigondeaux para sa unification fight sa Marso o sa Abril.

Ang tinaguriang ‘The Jackal’ Rigondeaux (20-1, 13 KOs) ay hawak ang WBA ‘regular’ 118-lb title, samantalang si Casimero (30-4, 21 KOs) ay tangan naman korona ng WBO bantamweight.

Ang mananalo sa labang Casimero at Rigondeaux ay inaasahan na makakaharap ang IBF/WBA 118lb champion Naoya ‘Monster’ Inoue sa isang unification fight sa 2021.

Sa edad na 40, tantiya ng mga miron sa boksing na mahihirapan si Rigondeaux na harapin ang ‘punching power’ at talento ni Casimero.

Kahit pa nga sinasabing nagbalik ang dating Rigondeaux sa kompetisyon simula nang bumaba ito mula sa 122lb division nung Marso, mananatiling dala-dala niya ang edad at magkakaroon siya ng malaking problema sa kabataan ni Casimero at sa matitindi nitong kamao.

Tinalo ni Rigondeaux si Liborio Solis via 12 round split decision nung Pebrero 8 para mapanalunan ang bakanteng WBA ‘regular’ bantamweight title.   Iyon ang debut ng 11-year pro Rigondeaux sa bantamweight, at nagpakita siya ng magandang laban para talunin si Solis.

Pinabagsak ng  two-time Olympic gold medalist Rigondeaux si Solis sa seventh round, pero sa pagtayo ng huli ay lalo itong naging mabangis para bigyan ng mahirap na laban ang nagkakaedad na boksingero.

Para sa mga kritiko, numero lang ang 40 pero nananatili pa ring competitive si Rigondeaux.  Katunayan ang huling tatlong panalo nito kontra kina Solis, Julio Ceja at Giovannie Delgado na hindi pa siya laos.

Nung 2018, umakyat ng dalawang weight classes si Rigondeaux para hamunin ang dating dating kampeon na si WBO super featherweight Vasiliy Lomachenko pero pinatulog siya sa 6th round.

Si Casimero, 31, ay mapapalaban sana  kay Naoya Inoue ngayong taon pero dahil sa pananalasa ng Covid-19 pandemic ay nadiskarel ang megafight.  

Impresibo si Casimero sa huling laban nito nang matagumpay na idinipensa ang korona niya sa WBA 118-pound nang gibain niya sa 3rd round ang dating walang talong si Duke Micah nung Setyembre 26 sa Charlo brothers card sa Uncasville, Connecticut.

About hataw tabloid

Check Also

Al-Basher Basty Buto Chess

NM Buto naghari sa Angeles rapid chess festival

MANILA — Naitala ni National Master Al-Basher “Basty” Buto ng Cainta, Rizal ang importanteng panalo …

Philracom Horse Race

Paborito si Mommy Caring

MARKADO sina Mommy Caring at Cam From Behind sa magaganap na 2022 PHILRACOM “Sampaguita Stakes …

Rubilen Amit Carlo Biado Johann Chua

Amit, Biado, Chua namayagpag
PH TRIO KAMPEON SA WORLD TEAMS 10-BALL

ni Marlon Bernardino MANILA — Itinanghal na kampeon ang Filipino trio na sina Rubilen Amit, …

Rubilen “Bingkay” Amit

Sa Austria
AMIT, CENTENO NAGPARAMDAM AGAD NG LAKAS 

MANILA, Philippines – Nagparamdam agad ng lakas sina Billiard stars Rubilen Amit at Chezka Centeno …

Rhaki Roj Constantino

Dan Kang kalahok sa Mappa KnightShot 10-Ball Cup

ANG pool player at motorcycle enthusiast na si Dan Kang ay lilipad mula South Korea …

Leave a Reply