Ngayong Pasko, bagong single ni Marione na swak sa Christmas season
MAY bagong kanta ang prolific singer/songwriter na si Marione. Ito’y pinamagatang Ngayong Pasko at ayon kay Marione, swak daw ang kanta para sa mga taong gustong makasama ang special someone nila sa Yuletide season.
Matagal din bago namin nakitang muli ang panganay ni Ms. Lala Aunor. Nangyari ito nang mag-guest kami sa masayang noontime Show ng Net25 na Happy Time nina Kitkat Anjo Yllana, at Janno Gibbs. Kasama namin dito ni Marione, sina katotong Rommel Placente at Melba Llanera.
Nang nakapanayam namin si Marione, inusisa namin ang latest news sa kanya.
Sagot niya sa amin, “May bago po akong Christmas single with my friend Toma Cayabyab called Ngayong Pasko and weekly din po akong nag-uupload ng cover videos sa Youtube channel ko.”
Dagdag pa niya, “Isa siyang jazz Christmas love song para sa mga taong gusto makasama ang special someone nila during Christmas.”
Nabanggit din sa amin ni Marione na ito ang unang Tagalog Christmas song na kanyang naisulat.
Kamusta na sila ng kanyang Mommy Lala at sister na si Ashley mula nang nagka-pandemic?
Aniya, “Okay naman po ako. Productive pa rin kahit naka-lockdown. Safe naman po kami ng family ko.”
Kailan siya unang lumabas mula nang nagka-quarantine dahil sa pandemic? Ano ang na-feel niya?
Esplika ng dalaga, “Siguro po a few months ago. Nakakapanibago po noong una na mas kaunti yung mga sasakyan sa daan and mga tao sa labas.”
Ano ang Christmas wish niya?
Wika ni Marione, “Sana matapos na po ang pandemic and maka-recover ang lahat nang naapektuhan. Pati na rin ang mga nangyayaring calamity po sa atin.”
ALAM MO NA!
ni Nonie Nicasio
ni Nonie Nicasio
