Friday , February 3 2023

Kredibilidad ng military sinisira ni Velasco (Sa pagtatanggol sa red-tagging vs Makabayan Bloc)

ITINURING ng isang batikang abogado na panghihimasok at pangmamaliit sa kakayahan ng Armed Forces of the Philippines (AFP) ang ginawa ni House Speaker Lord Allan Velasco nang tahasan nitong ipagtanggol ang Makabayan Bloc ng Kamara sa naging akusasyon ni AFP Southern Luzon Command chief, Gen. Antonio Parlade na ang mga progressive solons ay may kaugnayan sa Communist Party of the Philippines (CPP).

Para kay Atty. Trixie Angeles, sinira ni Velasco ang kampanya ng pamahalaan laban sa mga communist group nang maliitin nito ang impormasyon mula mismo sa AFP.

“With all due respect, Speaker Lord Allan Velasco. I understand you and all other congressmen are duly elected officials. And that you must speak this way to protect the men and women in Congress. But that does not mean you get to dictate military or legal strategy,” paliwanag ni Angeles.

Aniya, kung hindi rin alam ni Velasco ang nangyayari sa ground ay mainam na hayaan na sa isyu ang AFP.

Iminumulat umano ng AFP ang publiko ukol sa recruitment na nangyayari sa mga unibersidad kaya  nagpapalabas ng impormasyon at babala ang AFP sa mga magulang ukol sa pagsali sa komunistang grupo at inilalantad na rin nito sa publiko ang mga personalidad na nasa likod ng grupo.

Aniya, nakalulungkot na mismong si Velasco na mula sa administrasyon ang pumipigil dito imbes hayaan ang estratehiyang ginagawa ng AFP.

“The communist insurgency has taken lives, broken families, arrested national development. It has been over fifty years. Clearly, we need to change our approach to this problem and end it once and for all. The old ways haven’t worked. So Gen. Parlade has brought the war for hearts and minds into the public eye and it is working,” paliwanag ni Angeles.

“Are you are trying to stop the AFP? Please don’t. Maybe we can save families from being broken, kids from dying senselessly. Don’t you think it is worth it?” pasaring ni Angeles kay Velasco.

Una nang sinabi ni Parlade, tagapagsalita rin ng National Task Force to End Local Communist (NTF-ALCAC), under surveillance ang mga progressive solons sa pagiging miyembro ng CPP.

Ani Parlade, mismong mga miyembro ng CPP na nagbalik-loob sa pamahalaan ang tumukoy sa mga mambabatas na kaanib ng kanilang grupo.

Inalmahan ni Velasco ang red-tagging sa Makabayan Bloc at binalaan si Parlade na mag-ingat sa kanyang mga akusasyon na walang basehan.

“General Parlade should be more circumspect and cautious in issuing statements against House members whose lives he may place at great risk and danger sans strong evidence. These lawmakers are duly elected representatives of the people, and implicating them on issues that have yet to be substantiated is uncalled for,” pahayag ni Velasco.

Apela ni Angeles kay Velasco, huwag pigilan ang AFP sa laban nito kontra sa mga komunistang grupo lalo’t tiyak umanong may basehan ang mga impormasyon na inilalabas nito.

Hindi ito ang kauna-unahang akusasyon na kaanib ng CPP ang Makabayan Bloc. Matatandaan na mismong si Pangulong Duterte ang nagsabi na may mga partylist groups sa Kamara ang may kaugnayan sa CPP at nagpopondo sa armed wing nito na New People’s Army (NPA).

About hataw tabloid

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply