Sunday , January 29 2023

Yorme tiwalang ‘Manila is in good hands’ kay VM Honey

SIGURADO si Mayor Francisco “Isko Moreno” Domagoso na ang kanyang mga masimulang programa ay ipagpapatuloy ni Vice Mayor Honey Lacuna sa oras na natapos ang kanyang panunungkulan bilang alkalde.

Paniwala ko mauubusan ako ng oras… pero sigurado ako, pagdating ng araw, si  (Vice Mayor) Honey itutuloy ‘yun,” pahayag ni Moreno sa harap ng mga  residente na kanyang binista sa Binondo.

Si Moreno ay puwede pang tumakbong alkalde nang dalawang beses sa oras na matapos ang unang termino sa 2022 na pinapayagan ng Saligang Batas ang isang alkalde na mag-okupa ng opisina hang­gang sa tatlong magkasunod na termino o siyam na taon.

Sa naganap na pagbisita, nagbabala ang alkalde sa mga residente na patuloy na mag-ingat laban sa CoVid-19 at huwag maging pabaya sa health protocols gayondin sa sunog na umuubos rin ng mga ari-arian at buhay.

“Ingatan ninyo ang inyong sarili. Baka ‘di nga kayo nasunog, susunugin naman kayo. Pag nagka-CoVid ka, dalawa lang ang mangyayari — papasok ka nang buo sa ospital, lalabas kang buo; o kaya papasok ka nang buo lalabas kang abo,” seryosong pahayag ni Moreno.

Sa naturang aktibidad, nagpamahagi sina Moreno at  Lacuna ng  P10,000 kada pamilya bilang financial assistance at material assistance na pagkain at kutson sa mga biktima ng sunog.

Kasama nina Mayor Isko at Lacuna sina Congressman Yul Servo at 3rd district councilors na sina Fa Fugoso at Timothy Oliver ‘Tol’ Zarcal at social welfare chief Re Fugoso.

Ayon kay Fugoso, nawalan ng bahay ang may 50 pamilya dahil sa sunog. Apat na beses nang nagkaroon ng sunog sa nasabing lugar simula nang maupo si Isko bilang alkalde.

Kaugnay nito, muling nanawagan ang alkalde na mas maging alerto at mag-ingat dahil apat na beses na nagkaroon ng sunog sa loob ng isang taon sa naturang lugar.

Inianunsiyo rin ni Isko na mula sa pagbibigay ng P10K financial assistance at material assistance sa mga biktima ng sunog ay tutuloy sila ni Lacuna sa ‘Binondominium’ project ng lungsod na magkalaloob ng disenteng tirahan sa mahihirap na residente ng Binondo.

Aniya, nangangarap sila ni Lacuna na isang araw ay wala nang squatters sa Maynila sa ilalim ng kanilang battlecry na ‘Asenso Manileño.’

(BRIAN BILASANO)

About Brian Bilasano

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply