Wednesday , October 5 2022
dead gun police

Mister nag-amok patay

NAG-AMOK ang isang mister at hinamon ng barilan  ang sinomang makita ngunit namatay matapos barilin ng nag­respondeng pulis makaraang pagbantaan na babarilin ang mga awtoridad sa Valenzuela city, kahapon ng madaling araw.

Dead on the spot ang suspek na kinilalang si Charlie Cardona, nasa hustong gulang, idinek-larang patay ng Valenzuela City Risk Reduction and Management Office Rescue team sanhi ng tama ng bala sa leeg.

Ayon kay Valenzuela police chief P/Col. Fernando Ortega, bago naganap ang insidente, unang nakatanggap ng tawag dakong 2:30 am ang Marulas Police Sub-Station 3 mula sa mga barangay tanod at ipinaalam ang hinggil sa isang lalaki na armado ng baril at pinagbabantaan at hinahamon ng away ang kanyang mga nakasasalubong sa F. Bautista St., Dulo, Brgy. Marulas. Nang respondehan nina P/Cpl. Reynold Panao, P/Cpl. Erickson Barrera at Pat Romel Acas ang naturang lugar, naabutan nila ang suspek na walang suot pang-itaas habang may bitbit na baril kaya inutusan ng mga pulis na bitawan ang baril, itaas ang kanyang mga kamay, at sumuko nang maayos.

Gayonman, hindi pinansin ng suspek ang mga pulis at sa halip ay itinutok nito ang kanyang baril sa mga awtoridad kaya’t napilitan si P/Cpl. Panao na paputukan siya na tinamaan sa leeg. Nakuha ng Scene of the Crime Operatives (SOCO) sa suspek ang isang kalibre .38 revolver, kargado ng anim na bala. (ROMMEL SALES)

About Rommel Sales

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …

Leave a Reply