Wednesday , October 5 2022

Lopez, Quezon, muling binaha (TD Tonyo umariba)

HINDI pa halos humuhupa ang baha sa ilang lugar sa bayan ng Lopez, sa lalawigan ng Quezon dulot ng mga nagdaang bagyo, binahang muli ang ilang barangay dahil sa mga ulan na dala ng tropical depression Tonyo.

Kabilang sa mga binahang lugar ang mga barangay ng Rizal, Del Pilar, at Magsaysay, kaya nagbabangka na umano ang mga residente.

Simula nitong Sabado ng hapon, 7 Nobyembre hanggang umaga ng Linggo, 8 Nobyembre, bumuhos ang ulan sa bahaging timog ng lalawigan.

Samantala, patuloy ang monitoring naginagawa ng Quezon Provincial Disaster Risk Reduction and Management Office sa sitwasyon sa buong Quezon.

Inaasahang aabutin pa ng ilang araw bago tuluyang humupa ang mga pagbaha sa bayan ng Lopez.

Passable sa lahat ng uri ng sasakyan ang Maharlika Highway sa Canda Ibaba sa Lopez na lumubog sa baha magdadalawang linggo na ang nakalipas.

Nitong Linggo ng umaga, isinailalim sa Tropical Cyclone Wind Signal No. 1 ang hilaga at gitnang bahagi ng Quezon, kabilang ang mga bayan ng Gumaca, Pitogo, Quezon, Alabat, Perez, Unisan, Plaridel, Atimonan, Agdangan, Padre Burgos, Pagbilao, Mauban, Tayabas City, Lucena City, Sariaya, Candelaria, Tiaong, San Antonio, Dolores, Lucban, Sampaloc, Real, Infanta at General Nakar.

Kasama rin sa TCWS No. 1 ang Polillo Islands.

Inaasahang lalabas na ng Philippine Area of Responsibility ang Tropical Depression Tonyo nitong Lunes ng umaga, 9 Nobyembre.

About hataw tabloid

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …

Leave a Reply