Friday , March 29 2024

Katapatan sa SALN kasamang ipinangako sa botante (PACC sa House leadership)

SUPORTADO ni Presidential Anti-Corruption Commission(PACC) Commissioner Greco Belgica ang naging hamon sa liderato ng Kamara sa pangunguna ni House Speaker Lord Allan Velasco na isapubliko ang kanilang Statement of Assets Liabilities and Networth (SALN) sa katuwirang una ang transparency at accountability sa mga ipinangako sa kanilang mga botante nang sila ay nangangampanya.

Ayon kay Belgica, obligasyon ng mga mambabatas na ipakita ang kanilang tunay na SALN upang malaman kung wala silang tinatago.

“Naniniwala ako hindi lang bilang Commissioner ng PACC kundi bilang isang Filipino, isa ‘yan sa ipinangako nila noong kampanya. Mas makatuwiran na maging totoo sila sa tao,” pahayag ni Belgica.

Si Belgica ay una nang nagsiwalat na ilang miyembro ng Kamara na hindi pa pinangalanan, ang sangkot sa korupsiyon sa mga opisyal ng Department of Public Works and Highways (DPWH), aniya, nagiging substandard o hindi nakokompleto ang mga DPWH projects dahil 50% ng pondo ay napupunta sa corrupt activities.

Sa inisyal na imbestigasyon ng PACC, 10% hanggang 15% ang cut sa infrastructure projects ng mga kongresista habang may share rin sa pondo ang district engineers at contractors.

Inamin ni Belgica, may mga ebidensiyang hawak ang PACC at kanilang tutukuyin ang mga sangkot na kongresista sa oras na maisumite nila kay Pangulong Rodrido Duterte ang report.

“Makaaasa ang mga kababayan natin na uusad ang kaso at mananagot ang dapat,” pagtitiyak ni Belgica.

Ang paglalabas ng SALN ay isa sa pinakamalaking hamon sa mga halal at iba pang opisyal ng pamahalaan, bagamat obligado ang mga nasa gobyerno na magsumite kada taon ng SALN ay hindi naman nailalabas ito, sa Kamara halimbawa, ang record ng SALN ay guwardiyado ng CCTV.

Hindi rin ganoon kadali ang paghingi ng kopya nito, sa ilalim ng House Resolution 2467, na ang nagnanais na magka-access sa SALN ng mga mambabatas ay dapat may final approval ng House Plenary.

Kaya nangangahulugan na bago pa man pumayag ang isang kongresista na ibigay ang kanyang SALN ay kailangan muna ng deliberasyon ng Committee on SALN Review and Compliance at aalamin sa requesting party ang dahilan at kung saan gagamitin ang SALN.

Panunumpaan din ng requesting party ang sworn undertaking at declaration portion na nagsasaad kung saan lamang maaaring gamitin ang SALN sakaling pumayag ang komite na magbigay ng kopya.

Nabatid na mula 2019 mula nang mabalangkas ang bagong rules sa pagkuha ng SALN ay wala pang aplikasyon o nagre-request ng SALN ng mga mambabatas.

Sa Kamara ay una nang boluntaryong naglabas ng SALN ang Makabayan Bloc bilang inisyatibo nito sa naging kautusan ni Pangulong Duterte sa Department of Justice (DoJ) na imbestigahan ang mga tiwali sa gobyerno, kaya naman ang hamon ni ACT Teachers Partylist Rep. France Castro, sa ngalan ng transparency, ay ilabas din ng mga kapwa mambabatas ang kanilang SALN.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *