Saturday , October 1 2022

Jodi at Dimples, pinalakas ang Malasakit Para sa Isa’t Isa campaign ng Unilab

TIMELY at relevant ang bagong public service campaign ng Unilab, Inc., ang Malasakit Para Sa Isa’t Isa na ang layunin ay  paigtingin ang nasimulang kampanya ng Department of Health laban sa Corona virus.

 

Bagamat tapos na ang quarantine period, unti-unti ng sumusubok ang mga tao na ipagpatuloy ang buhay sa ilalim ng new normal. Kahit may takot at alinlangan dahil sa Covid-19, sige lang kasi kailangan para sa mga taong umaasa sa atin.

 

Nakalulungkot lang minsan, na habang ingat na ingat ka at sumusunod sa health and safety protocols na inilabas ng DOH, may ilan, o minsan pa nga ay marami, ang hindi pa rin sumusunod o ‘di naman kaya ay nakalilimutang sundin ang mga guideline para makaiwas sa sakit o para hindi makahawa.

 

Kaya mismong sina Jodi Sta. Maria at Dimples Romana, brand ambassadors ng Unilab ay nagpa-alala sa pamamagitan ng pagpo-post sa kanilang social media account ng public service ad para palaganapin ang mensahe na akmang-akma sa panahon ngayon.

 

Patuloy na umaani ng blessings ang dalawang premyadong aktres sa kabila ng mga nangyayari hindi lang sa mundo ng showbiz kundi pati na rin sa buong mundo.

 

Si Jodi ang kasalukuyang mukha ng Biogesic at Biogesic for Kids nitong huling anim na taon, habang si Dimples naman ay ang isa sa pinakabagong kapamilya ng Unilab na nag-eendoso ng pambatang Solmux kasama ang napakabibong anak na si Alonzo.

 

Malalim ang mensahe ng kampanyang ito ng Unilab dahil hindi lamang ito tungkol sa mga protocol. Tungkol din ito sa pagkakaroon ng malasakit na sabihan ang iba kung sila ay nakalilimot na sumunod. Magalang na pagpapaalala at may ngiti sa labi dahil ginagawa ito ng may tunay na pag-aalala para sa iba.

 

Naiiba itong kampanyang ito dahil hindi ito nakatuon sa pansarili lang. Ipagpalagay mong maingat ka, pero paano naman ang iba na kailangan ng paalala, lalo na ‘yung mga pasaway. At kung sakali na ikaw naman ang makalimot, hindi mo ba  gugustuhin na may magpaalala rin sa ’yo?

 

Maliit na bagay lang ito kung tutuusin pero kung ang lahat ng tao ay mgiging ganito ang pananaw sa health and safety protocol, ang magmalasakit na paalalahanan ang mga nakalilimot, malaki ang magiging impact nito sa patuloy na laban kontra-COVID-19.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Barbie Imperial Carlo Aquino Trina Candaza

Barbie sa bintang na dahilan ng hiwalayang Carlo-Trina: Parang ‘yung mga tao gigil na gigil maging kabit ako ‘no? 

SHOWBIZ KONEKni Maricris Valdez Nicasio TILA nanggigigil si Barbie Imperial sa mga netizen na nagbibintang sa kanya …

Blind Item, Man Woman Fighting

Provincial tour’ ni male star buking ni GF aktres

ni Ed de Leon NA-SHOCK ang isang aktres nang malaman niyang ang kanyang boyfriend na male …

Vhong Navarro Ogie Diaz

Ogie ibinuking: Vhong dineadma ng isang kaibigan

MA at PAni Rommel Placente SABI nga, kapag ang isang tao ay gipit o may …

Polo Ravales

Polo sobrang naiyak nang tamaan ng Covid ang buong pamilya

MA at PAni Rommel Placente NOONG June 27 ay 40th birthday ni Polo Ravales. Supposedly, magkakaroon siya ng …

Sean de Guzman

Sean nakapagpundar na ng bahay at lupa

REALITY BITESni Dominic Rea SA magkasunod na buwan ay dalawang International trophy ang nasungkit ni Sean …

Leave a Reply