Saturday , December 4 2021
Bulabugin ni Jerry Yap
Bulabugin ni Jerry Yap

‘Walang puso’ o talagang walang sense si Pialago?

MASAMA palang nagkakaroon ng kompiyansa sa sarili itong si Metropolitan Manila Development Authority (MMDA) Spokesperson, Assistant Secretary Celine Pialago… nasosobrahan!

Muling naulit ang karanasan na siya ay pinutakti ng netizens dahil sa kawalan ng ‘sensitivity’ ng kanyang pagpuna o sabi niya’y paggamit ng kanyang tinig bilang isang Filipino laban sa political detainee na si Reina Mae Nasino na namatayan ng 3-buwang gulang na sanggol habang nakakulong.

Mantakin ba namang sabihin na ‘drama’ lang daw ang ginagawa ni Nasino at lahat daw ng nakikisimpatiya ay kilalanin muna kung sino ang dinadamayan nila?!

Wattafak!

Hello, Ms. Passed Away & Ms. Dito Ang Pahalik! Kaway-kaway lang. Hindi pa nalilimutan ng madla ang mga kapalpakan mong gaya niyan, kaya huwag kang magmagaling.

Imbes nalimutan na at nakabawi ka na, hayan rumerepeke na naman sa madla ang iyong mga kapalpakan.

Hindi natin alam kung sumailalim ba sa gender sensitivity orientation si Ms. Pialago na kung hindi tayo nagkakamali ay isa sa rekesitos sa isang empleyado o opisyal ng gobyerno.

Sabi mo tila pambawi sa iyong ‘embarrassing experience’ nang kumandidata ka sa 14th edition ng Miss Earth Philippines noong 2014.

Nag-trending noon dahil sa kanyang sagot nang tanungin ng mga reporter tungkol sa pagkahimatay ng roommate niyang nalipasan ng gutom.

Imbes sabihin niyang “she passed out,” sa sobrang taranta kuno ay “she passed away” ang nasabi ni Celine, kaya pinagpistahan siya ng bashers and haters sa social media.

“So, napatunayan ko na ‘yung kakayahan ko na magsalita, English o Tagalog. ‘Yung isyu ng ‘she passed away,’ nabura na.”

Nabura na nga sana pero muli na namang nabuhay noong pista ng Poong Itim na Nazareno dahil tumabi ka sa signage na ‘pahalik’ na supposedly ay pagtukoy sa poon. Kaya nagalit na naman sa iyo ang mga deboto.

Ngayon  hayan ka na naman. Isang nagdadalamhating ina sa loob ng bilangguan, ang nakuha mo pang pagsalitaan nang ganyan?!

Nagdadrama lang nga ba si Reina Mae ang ina ng yumaong si Baby River?

Kung gusto mo talagang makabawi Ms. Pialago, lagi mo itong tatandaan: “Our prime purpose in this life is to help others. And if you can’t help them, at least don’t hurt them.”

Ngayon kung talagang ayaw pumasok sa kukote mo ‘yan o kung napaka-uncompassionate mo talaga… dapat alam mong wala kang puwang sa public service.

At kung alam mo na, ‘yun na!

 

MANILA HEALTH
WORKERS HAZARD PAY
‘NAKATKONG’ NGA BA?!
(Ayaw ni Yorme ‘yan!)

Sana lang po ay makarating kay Mayor Francisco “Isko Moreno” Domagoso na ang kanyang fontliners na health workers ay tumanggap lamang ng P5,000  hazard pay.

Mantakin ninyo, P5,000 lang?! Magkano ‘yan sa isang araw mula noong mag-duty sila?

Aba, ‘yung Cainta ay nagbigay ng P7,000, ang Manila ay P5,000 lang?!

Ayon sa Association – Alliance of Health Workers binawasan sila ng P71.9 milyon para sa budget ng hospital sa 2021.

Totoo ba ‘yan?!

Heto po ang narinig natin diyan, desmayado ang health workers dahil mas malaki pa ang nakuhang hazard pay ng MPTB enforcers.

P20k+ sa traffic enforcer pero sa med worker ay 5k lang daw?!

In short, nganga sila kay Isko?!

Mayor Isko, totoo  po ba ‘yan?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Bulabugin ni Jerry Yap

Isang alaala ng walang pag-iimbot na pagtulong

ISANG alaala na hindi ko makalilimutan habang ako ay nabubuhay ay nang magkaroon ako ng …

Bulabugin ni Jerry Yap

True friendship lasts forever

MAGANDANG gabi po sa inyong lahat. Una ko pong nakilala si Jerry Yap, sa katotohanang …

Usaping Bayan ni Rev. Fr. Nelson Flores, MSCK, JD

Adviento

USAPING BAYANni Rev. Fr. Nelson Flores, MSCK, JD. NITONG nagdaang araw ng Linggo ay nagsimula …

FIRING LINE ni Robert B. Roque, Jr.

China, bully na in denial

FIRING LINEni Robert B. Roque, Jr. MAPAGKUNWARI ang China, sa ilalim ni Xi Jinping, pagdating …

Bulabugin ni Jerry Yap

Maligaya na ang birthday ko, okey na si Rommel — JSY

MARAMING salamat, Sir JSY. Nabulabog mo kaming lahat, mga tauhan mo, pamilya, lahat ng nagmamahal …

Leave a Reply