HATAW! D'yaryo ng Bayan hatawtabloid.com
MASAYA si Yasmien Kurdi sa overall outcome ng pinagbibidahan niyang GMA drama anthology na I Can See You: The Promise. Ang The Promise ang ikalawang installment ng weekly series na I Can See You na kasama niya sina Paolo Contis, Andrea Torres, Maey Bautista, at Benjamin Alves.
Bukod sa nakamamanghang cinematography at kakaibang kuwento, proud din ang Kapuso actress sa kanilang breathtaking location na ipinakikita ang ganda ng Pilipinas.
“Ang ganda rin kasi karamihan sa atin ngayon nasa bahay, hindi tayo nakakalabas dahil quarantine nga, itong ‘I Can See You: The Promise, makikita nila ‘yung ganda ng Pilipinas,” ani Yasmien.
Hindi tuloy kataka-taka na sinusubaybayan at trending gabi-gabi ang mini-series.
Huwag nang magpahuli at tumutok na sa I Can See You: The Promise, 9:15 p.m., sa GMA Telebabad.
COOL JOE!
ni Joe Barrameda
