HATAW! D'yaryo ng Bayan hatawtabloid.com
NAGPAPASALAMAT si Cristine Reyes dahil napasama siya bilang isa sa hurado ng Philippine adaptation ng reality show ng South Korea, The Masked Singer kasama nina Aga Muhlach, Kim Molina, at Matteo Guidicelli na mapapanood sa TV5 na line produced ng Cignal, Sari-Sari Channel at Viva Entertainment simula sa Oktubre 24, Sabado, 7:00 p.m..
Pitong buwan palang walang trabaho o walang ginagawa si Cristine kaya naman excited siya dahil first time niyang maging hurado sa isang reality show. Nasubukan kasi niyang maging contestant tulad sa StarStruck Season 1 sa GMA 7 na pinanalunan ni Jennylyn Mercado.
Walang project si AA (palayaw ng aktres) sa Kapamilya Network simula nang ipasara ng Kongreso ang ABS-CBN dahil hindi binigyan ng bagong prangkisa. Ang huling programa niya ay guesting niya sa FPJ’s Ang Probinsyano.
Natanong ang aktres kung ano sa pakiramdam niya ngayong sarado ang ABS-CBN, may mababago sa playing field dahil TV5 at GMA 7 na lang ang magkatunggali in terms of ratings game.
“Personally, nakakapanibago po ang experience ko kasi bago ako rito sa TV5, pero parang wala akong nakikitang competition between TV5 and GMA kasi at this moment in time, the whole entire world kailangan mas magtulungan tayo kaysa ‘yung magka-kompetensiya,” pahayag ng aktres.
FACT SHEET
ni Reggee Bonoan
