Friday , January 21 2022

Tatalunin ko ang pandemic —Taekwondo champion

 ni TRACY CABRERA

IPINANGAKO ni dating world taekwondo champion Rinna Babanto sa kanyang sarili na tatalunin niya ang (coronavirus) pandemic at para makamit ito, naghahanap siya ng mga paraan para makabalik sa dating liksi sa pamamagitin ng matinding pagsasanay at mahigpit na health regimnen.

Sa nakalipas na edisyon ng Southeast Asian Games, o ang 30th SEAG, sa Maynila nang nakaraang taon, naibuslo ni Babanto ang dalawang medalyang pilak kaya kompiyansa siyang magagawa rin ng mga miyembro ng pambansang koponan ng taekwondo ang magandang performance sa mga pandaigdigang kompetisyon sa sandaling bumuti ang situwasyon sa kabila ng krisis dulot ng coronavirus.

“We continue to work hard even during this pandemic.Our coaches want all of us in the national team to be always ready to compete and represent the country,” wika niya sa Zoom.

Ang 23-anyos na Cebuana ay regular na nagsasanay sa La Salle na kasalukuyan siyang naka-stay in.

Isang sports management student sa La Salle, pinuri ni Babanto ang Philippine Taekwondo Association (PTA) sa pagpapanatili nito sa mga atletang tulad niya na makalahok sa mga online competition kahit may mga quarantine lockdown at pagkabalam ng ilang mga patimpalak sa taekwondo.

“The PTA is holding online poomsae competitions every other month, which is good dahil nakapag-participate iyong ibang mga bata who are just staying at home,” aniya.

Sumikat siya sa pagsungkit ng gintong medalya sa under-17 women’s team event sa ika-8 World Poomsae Championship sa Bali, Indonesia noong 2013.

“Our coach regularly gives us assignments as part of our attendance. We train every day. We even watch motivational and psychological videos from our coaches. So, kahit stranded ako rito sa Manila, hindi naman ako mag-isa. May bonding pa rin kami ng teammates ko kahit ngayon may pandemic,” dagdag ni Babanto.

“Matagal na akong independent at matagal na rin ako sa national team. I’m known for my mental toughness. Iba ‘yong switch ng utak ko pagdating sa game,” sabi ng dalaga.

Umani ang kanyang pagpupunyagi para mapanalunan niya ang MVP honor sa UAAP Season 81 poomsae tournament.

“I’m very happy napag-champion ko uli ang La Salle,” paggunita niya.

Nang tanungin ukol sa kanyang mga plano kasunod ng kanyang pagtatapos sa kolehiyo, tumugon siya na nais niyang maging coach para sa mga susunod na atleta ng bansa.

“Right now I’m working on my thesis. Wala na akong plano na mag-take ng masteral and continue to be a part of the UAAP team. Focus na sa national team and maybe coaching,” pagtatapos ng dalaga.

 

About Tracy Cabrera

Check Also

Mayweather umamin walang babaeng pinakasalan

ISA sa pinakamagaling na boksingero si Floyd Mayweather sa mundo ng boksing sa lahat ng …

Sen. Pimentel Thanksgiving Online Chess Tournament

PABORITO sa laban sina International Master Barlo Nadera ng Mandaue City, International Master Ricardo De …

Terrence Romeo Beatrice Pia White

Terrence Romeo unfair na makaladkad sa kaso ng dating asawang si White

HATAWANni Ed de Leon EWAN kung bakit pinalalabas pang animo blind item ang pagkaka-aresto sa …

Dennis Orcollo

Dennis Orcollo na-deport mula sa US

IPINATAPON ng Estados Unidos ang isa sa pinakamagaling  na manlalaro ng bilyar sa Filipinas na …

EJ Obiena PATAFA

EJ Obiena magsasampa ng kaso sa mga nanira sa kanyang ina

NAGHAHANDA ang legal team ni pole vaulter EJ Obiena para linisin ang kanyang pangalan at …

Leave a Reply