Thursday , February 22 2024

Cebuana Beauty Queen lalahok sa basketbol

HINDI lang ganda ang maipagmamalaki ni Katherine Jumapao, may talent rin siya sa sports at ibibigay niya ang lahat para makamit ang kanyang mithiing maging isang professional basketball player makaraang isumite ang kanyang aplikasyon sa Women’s National Basketball League (WNBL), na kamakailan ay tinanggap ng Games and Amusement Board (GAB) para mapaangat ang liga sa pro status tulad ng Philippine Basketball Association (PBA).

Isa sa mga standout ng Cebu Women’s Basketball League (CWBL) na walang takot na makipagsabayan sa mga kalalakihan sa larangan ng basketbol, inihayag ni Jumapao ang labis na pagkatuwa na sa wakas ay may oportunidad na siyang ipakita ang kanyang basketball talent sa propesyonal na antas.

Kinilala ni GAB chairman Baham Mitra na ang basketbol ay hindi lamang para sa mga lalaking manlalaro sa pagkakatatag ng WNBL kaya nga mayroon na ngayong plataporma ang mga aspiring Pinay para iparada ang kanilang husay sa basektbol.

“What is happening today (is that) the National Basketball League (NBL) is advocating gender equality,” punto ni Mitra.

Binigyang-diin ni NBL executive vice president Rhose Montreal na ang pagkakaloob ng professional status sa WNBL ay katuparan ng pangarap ng maraming mga atletang Pinay na nagnanais maging hanapbuhay at career ang basketbol.

“Bliss fills my heart knowing that women can now showcase their basketball talent. This would further motivate little girls to know that their hard work is going somewhere—the big league,” ani Jumapao.

Noong 2015, lumahok ang 29-anyos Cebuana sa Miss Cebu pageant at kasunod nito ay kinoronahan siya bilang Miss AAA Renaissance Cebuana makalipas ang tatlong taon.

Ngayong malapit nang mag-30 taong gulang, inamin ni Jumapao na may agam-agam siya sa pag-apply sa WNBL dahil aalamin pa niya kung kayang makipagsabayan sa mas batang mga manlalaro. Sa huli’y dinaig niya ang negatibong pananaw at napagpursigihan ang pagnanais na maging pioneer sa larangan ng professional women’s basketball.

“I am taking this challenge because I want to be a pioneer in the pro league. WNBL’s mission is also aligned to my advocacy on women empowerment and my sports campaign ‘Move’. I will be able to influence more with this big mileage,” kanyang paliwanag.

(Kinalap ni TRACY CABRERA)

 

 

About Tracy Cabrera

Check Also

NCAA Season 99 Juniors Basketball Tournament

NCAA Juniors Basketball Tournament simula na 

RATED Rni Rommel Gonzales PATULOY ang aksiyon sa NCAA Season 99 dahil umpisa na ang bakbakan sa NCAA …

Christian Mark Daluz Chess

Sa Antonio “Bolok” Memorial Open Rapid Chess Tournament
FM DALUZ WINALIS MGA KATUNGGALI

MARIKINA CITY — Napanatili ni FIDE Master (FM) Christian Mark Daluz ang mainit na simula …

Niño Alcantara Tennis

Naging Number One Doubles Player sa Pilipinas  
NIÑO ALCANTARA UMAKYAT MULA 176 HANGGANG 169 SA ATP RANKINGS

SI NIÑO Alcantara, ang sumisikat na tennis star mula sa Pilipinas, ay patuloy na gumagawa …

Surigao Diamond Knights ACAPI Chess

Surigao Diamond Knights: Ready, excited na maglaro sa ACAPI tourney

MANILA—Sabi ng beteranong woodpusher na si Lennon Hart Salgados na team captain ng Surigao Diamond …

Jethro Dino Cordero Aquino Chess

Nakakakuha ng 1st IM norm at outright FIDE Master title  
INCOMING LA SALLE STUDENT NAKISALO SA IKA-5 PUWESTO SA INDIA CHESS TILT

Panghuling standing: (10 round Swiss System) 8.0 puntos–GM Sayantan Das (India) 7.5 puntos—GM  Diptayan Ghosh(India), …

Leave a Reply

Your email address will not be published. Required fields are marked *