Friday , March 29 2024
the who

PECO desperado? 2 ‘bogus’ ginamit laban sa bagong DU

NAGALIT ang mga tunay na kasapi ng Koalisyon Bantay Kuryente, Inc., (KBK) laban sa patuloy na paggamit ng Panay Electric Company (PECO) sa kanilang grupo para sa sariling interes nito upang siraan ang distribution utility na More Electric and Power Corp (More Power).

Inilantad din ng grupo ang dalawang personalidad na ginagamit ng PECO na sina Jose Allen Aquino at Ruperto Supena na nagpapakilalang convenor ng grupo na ‘bogus’ at kapwa walang koneksiyon sa KBK.

Sina Aquino at Supena ay makailang beses umanong humarap sa patawag na virtual conference ng PECO at ipinangangalandakan na lehitimong lider ng consumer group at inaakusahan ang More Power na palpak ang operasyon sa Iloilo City kasama na rito ang pagdoble ng insidente ng brownout at pagtaas ng system loss kaya ipinapanawagan sa Energy Regulatory Commission (ERC) na magpatupad ng refund.

Pero ang mga nasabing akusasyon ay pawang base sa maling impormasyon at layon lamang siraan at ‘targetin’ ang More Power.

Nanindigan ang orihinal na Presidente ng KBK na si Halley Alcarde, kung nais nina Aquino at Supena na siraan ang More Power ay gawin nila ito sa kanilang sariling kapasidad at huwag gamitin ang kanilang libong miyembro.

“Not only are they misrepresenting our organization, they are misleading the public in telling the Manila press that their sentiment is the sentiment of the Iloilo consumers. They have used KBK and its identity without permission. We did not give them that mandate. For the record, these two are not in any way connected with the KBK and cannot speak on behalf of our thousand of members,” paliwanag ni Alcarde.

Tama lamang na magsasagawa ng special meeting ang KBK Board of Trustees para magpalabas ng opisyal na paglilinaw sa ERC na hindi sentimyento ng consumer group ang mga isyung ibinibintang laban sa More Power gayondin ay inihahanda na nila ang posibleng kasong ihaharap laban sa dalawa upang hindi na tuluyan pang magamit ang kanilang grupo.

Sabi ni Alcarde, “Our association being the legitimate representative of the Iloilo City power consumers, cannot and will not ignore these acts of misrepresentations by Aquino and Supena, they owe us and the public an explanation and an apology.”

Patukoy sa tunay na kalagayan ng power system sa Iloilo City, sinabi ni Alcarde na mali ang ipinalalabas na mga paninira ng PECO dahil mismong silang consumers ang makapagpapatunay na umayos ang power suppply nang mag-takeover ang More Power at kahit anim na buwan pa lamang na nag-o-operate ay kapansin-pansin ang mga pagbabagong ipinatutupad.

“Although we wish not to take sides on the issue between PECO and More Power. It is our common stand that Iloilo City is far better with More Power, especially as we see day-to-day improvements of the distribution services. There are also downsides, but we are mindful of the fact that the power anomalies and outrages we are experiencing right now are a result of PECO’s severely underdeveloped distribution facilities and neglect” pahayag ni Alcarde.

Ang KBK, rehistrado sa Securities and Exchange Commission(SEC), ay koalisyon ng iba’t ibang organisayon sa Iloilo City kabilang ang Church sector, transport cooperative, teachers and parents association, jeepney and operators association, at ang advocacy group na “Bawal ang Korap.”

 

 

About hataw tabloid

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *