Rayver at Janine, nagtitiyaga sa zoom at facetime
MARAMING couples ngayon ang napilitang mag-long distance relationship bilang pag-iingat na rin sa Covid-19 at isa na rito sina Rayver Cruz at Janine Gutierrez.
Ibinahagi ni Rayver kung paano nila pinananatiling matatag ang kanilang relasyon kahit malayo sa isa’t isa.
Aniya, “Mas sa Zoom kami ngayon at sa Facetime. Kailangan kasi safe pa rin ang lahat. Noong nag-GCQ mas nakabibisita na ako and ‘pag bumibisita siya sa mom niya sa BF nakakabisita rin ako.”
Paalala pa ng All-Out Sundays star, “Ngayon kahit GCQ na ulit kailangan safety pa rin ng bawat isa ang unahin. Mas okay kasing napa-practice natin ‘yung social distancing kahit na espesyal ‘yung mga taong bibisitahin natin.”
Samantala, tuloy-tuloy pa rin ang fresh episodes na hatid ng paboritong musical-comedy-variety show na All-Out Sundays tuwing Linggo, 12:45 p.m., na mapapanood sa GMA-7 at official social media accounts ng GMA Network.
RATED R
ni Rommel Gonzales
