Friday , March 29 2024

Mindoro Governor tinangkang patayin sa loob ng opisina (Suspek arestado)

ISANG lalaki ang nasakote nang tangkaing saksakin si Occidental Mindoro Governor Eduardo Gadiano gamit ang tatlong kutsilyo, sa loob ng kaniyang tanggapan sa Kapitolyo, sa bayan ng Mamburao, nitong Martes ng umaga, 1 Setyembre.

Kinilala ni Gadiano ang suspek na si Adriane Gatdula, residente ng lalawigan, bagaman nagtataka ang gobernador sa motibo ng pagtatangka sa kaniyang buhay.

Kasalukuyan nang nasa kustodiya ng Mamburao police si Gatdula matapos madakip sa loob ng tanggapan.

Kinompiska ng pulisya ang cellphone ni Gatdula sa pag-asang matukoy kung mayroong kinausap ang suspek kaugnay sa kaniyang pagsalakay sa Kapitolyo.

Naganap ang insidente dakong 10:00 am kahapon habang nagtatrabaho si Gadiano sa kaniyang tanggapan.

Ayon sa gobernador, maraming tao sa loob ng opisina nang biglang pumasok si Gatdula at hinagisan siya ng kutsilyo.

Nagawang makailag ng gobernador sa kutsilyo ngunit naglabas ng dalawa pang kutsilyo si Gatdula at tinangka siyang saksakin.

Hinarangan ng gobernador at ng kaniyang tauhan ang suspek gamit ang mga bangko hanggang makorner si Gatdula sa banyo ng opisina.

Nang dumating ang mga security personnel, inilabas nila ang gobernador mula sa kaniyang opisina patungo sa mas ligtas na lugar sa kapitolyo.

Naniniwala si Gadiano na gusto siyang patayin ng suspek bagaman wala siyang natatanggap na pagbabanta sa kaniyang buhay bago maganap ang insidente.

About hataw tabloid

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *