Mabait ang Diyos sa Pinoy singer na si JC Garcia

Nitong mga nakaraang araw ay may taong nagbigay ng stress sa Sanfo based recording artist na si JC Garcia. Base sa post ni JC sa kanyang FB ay may mga tao talaga na ayaw siyang maging masaya.

Ito ay may kaugnayan sa kanyang matagal nang posisyon sa Security Public Storage sa Daly City, California, na mahigit isang dekada na siyang nagtatrabaho sa nasabing kompanya.

Pero yesterday nang mag-check kami sa Facebook ni JC ay very positive ang aura nito na pinasasalamatan niya ang Itaas dahil nadagdagan na naman sila ng tenant at ‘yung iba sa kanila ay nagregalo pa sa kanya dahil alam nila na malapit na ang birthday ng kaibigan naming singer.

After ma-stress sa kagagawan nga ng nilalang na ayaw pangalan ni JC, heto at sunod-sunod ang biyayang dumarating sa kanya.

Sobrang patient ng nasabing singer-dancer, at kung maaari lang ay ayaw niyang magalit pero dahil tao lang at hindi niya ito maiiwasan.

Pampa-good vibes ni JC sa lahat ng kanyang supporters ang kanyang dance videos na napapanood sa kanyang Tiktok account na marami ng followers.

Pinakapatok na dance video nito ang “Señorita” na kaaaliwan mo si JC sa kanyang dance moves rito.

Happy Birthday in advance my amigong JC Garcia.

VONGGANG CHIKA!
ni Peter Ledesma