Malakas mumamam tinarakan ng katagay

MALUBHANG nasugatan ang isang helper na sinabing malakas tumagay matapos tarakan ng ice pick sa dibdib at sa likod ng kanyang kainuman sa Malabon City, kahapon ng umaga.

Patuloy na ginagamot sa Tondo Medical Center (TMC) ang biktimang si Ronie Ocampo, 25 anyos, residente sa #143 Blk. 5 Bagong Silang, San Jose, Navotas City sanhi ng mga saksak sa dibdib at likod.

Naaresto ng nagrespondeng mga pulis ang suspek na si Leo Cabanganan, 35 anyos, helper ng Estrella St., Barangay Tañong, Malabon City at narekober ang ginamit na ice pick sa pananaksak sa biktima.

Sa tinanggap na ulat ni Malabon police chief Col. Jessie Tamayao, dakong 9:00 am, nag-iinuman ang biktima at ang suspek sa loob ng Malabon Fish port/Consignacion Market sa Estrella St., Barangy Tañong.

Matapos makaubos ng ilang bote ng alak, umuwi ang suspek at makalipas ang ilang sandali ay bumalik na armado ng ice pick at sa hindi malamang dahilan ay tinarakan sa dibdib at likod si Ocampo.

Sa kabila ng saksak, nagawang makatakbo ng biktima at makahingi ng tulong sa mga tauhan ng Sub-Station 6 na nagdala sa kanya sa naturang pagamutan. (ROMMEL SALES)