HATAW! D'yaryo ng Bayan hatawtabloid.com
NAGKABALIKAN na kaya sina McCoy DeLeon at Elisse Joson? Palaisipan kasi sa 2M followers ng binata kung para saan ang larawang ipinost nito na magkasama sila ng dalaga na hinagkan niya sa noo habang sakay sa isang yateng umaandar.
Ang caption ni McCoy sa post niyang larawan nila ni Elisse, “Always all ways,” na kung iaanalisa ay parang may something ang dalawa.
Inisip naming may project ang dalawa lalo’t nasa Viva Artist Agency na ang aktor pero base naman sa sagot sa amin, “wala naman akong naririnig. Last film meeting wala naman nasabi.”
Nagpapasalamat din ang mga taga-Viva na napunta sa kanila si McCoy dahil kulang sila sa artistang lalaki dahil marami silang pelikulang naka-line up at kulang sila ng pang leading man.
Aba, ang suwerte ni McCoy pala sa paglipat niya dahil tiyak na may projects na kaagad siya at posibleng magkaroon ng shows din sa ibang network.
At mukhang botong-boto na muling nagkabalikan ang dalawa dahil umabot sa 209k likes at iisa ang sabi ng lahat, natutuwa sila sa dalawa at botong-boto lahat.
Sabi nga ni Eula Valdez, “Uy, nagkabalikan!”
FACT SHEET
ni Reggee Bonoan
