ITINALAGA ni Pangulong Rodrigo Duterte si dating National Bureau of Investigation (NBI) Director Dante Gierran bilang bagong presidente ng Philippine Health Insurance Corp. (PhilHealth).
Ginawa ng Pangulo ang pahayag sa pulong kasama ang mga miyembro ng Inter-Agency Task Force on the Management of Infectious Disease (IATF-MEID) kagabi.
Pinalitan ni Gierran si retired Army general Ricardo Morales na nagbitiw kamakailan dahil sa problema sa kalusugan at matapos yanigin ng sunod-sunod na imbestigasyon ang ahensiya bunsod ng umano’y multi-bilyong pisong anomalya. (ROSE NOVENARIO)
