HATAW! D'yaryo ng Bayan hatawtabloid.com
PAIIMBESTIGAHAN ng Sangguniang Panlalawigan ng Pampanga ang mga pribadong testing laboratory na nagsasagawa ng swab test para sa CoVid-19, habang ipatatawag ang Department of Health (DOH) at Research Institute For Tropical Medicine (RITM) upang hingan ng paliwanag hinggil dito.
Ito ang tinuran ni Governor Dennis “Delta” Pineda sa kaniyang pahayag hinggil sa mga kaso ng CoVid-19 swab test na isinagawa ng mga pribadong laboratoryo na hindi nagkakatugma sa isinagawang swab test ng government facility kung kaya hiniling niya sa mga kinaukulan na imbestigahan ang mga nasabing laboratoryo na maaaring nagkaroon ng maling proseso upang maitama ang mga pag-aalinlangan na posibleng maglagay sa kapahamakan ng mga sangkot na mga pasyente.
Dagdag ni Pineda, lahat ng kaniyang ipina-reswab sa government facility ay asymptomatic at makaraan ang dalawa hanggang apat na araw ay nag-negative ang resulta.
(RAUL SUSCANO)
