Sunday , February 25 2024
Bulabugin ni Jerry Yap
Bulabugin ni Jerry Yap

Kampanya kontra CoVid-19 may direksiyon na nga ba?

KAHAPON sinabi ng researchers ng University of the Philippines (UP) kung magtutuloy-tuloy ang paghina o pagbaba ng bilang ng mga impeksiyon dulot ng pagkahawa ng CoVid-19 sa katapusan ng Agosto hanggang Setyembre posible umanong maabot na natin ang layunin na mapatag ang kurbada ng pandemya.

Ang ulat ay nakatutuwa pero ang kompiyansa ng mamamayan sa bagong datos ay hindi natin makapa.

Siguro, dahil wala tayong makitang direksiyon o klarong estratehiya kung paano titiyakin na pabababain kung hindi man tuluyang pupuksain ang salot na CoVid-19.

Ayon kay Dr. Guido David ng UP OCTA Research Team, ang reproduction rate o ‘yung tinatawag na “r-nought” sa National Capitol Region (NCR) ay bumababa na at haos malapit na sa 1.

Ayon sa mga taga-UP OCTA RT, kung ang reproductive number (RO o r-nought) ay mas mataas sa 1, asahan ang mabilis na reproduksiyon ng CoVid-19. Pero kung ang RO ay mas mababa sa 1, magiging mahina ang pagkalat ng impeksiyon hanggang tuluyang mamamatay.

Maliban sa mga numerong binabanggit ng mga researcher, may maiuulat pa ba ang mga awtoridad na bagong estratehiya kung paano susugpuin ang CoVid-19, bukod sa lockdown o iba’t bang anyo o antas ng community quarantine?

Kasabay ng senaryong tila ‘Juan Tamad’ na nag-aabang malaglag sa ‘puno’ ang bakunang tatapos sa pandemya, community lockdown ang mabisang paraan ng administrayong Duterte para pabagalin ito.

Hanggang dumating ang sandali na ang solusyon ng pamahalaan ay tuluyang maghintay ng bakuna kasabay ng pagpapakawala ng bilyon-bilyong budget bilang pang-ayuda sa mamamayang inila-lockdown.

Kasunod ito ng balitang mayroong ‘reinfection’ na nagaganap sa hanay ng mga pasyenteng ‘gumaling’ na ngunit tila nakararaas na naman ng mga bagong sintomas.

Pero sinansala ng Department of Health (DOH) ang paggamit ng salitang ‘reinfection’ dahil wala naman umanong pag-aaral na makapagpapatunay nito.

‘Yan na naman kayo!

So, ano pala ang puwedeng itawag sa mga pasyenteng sumailalim na sa 14-day quarantine pero nang muling i-swab test ay nagpositibo pa rin?

O mga pasyenteng nai-confine na at nagnegatibo sa huling swab test ngunit nang umuwi ay muli na namang nakaranas ng mga sintomas?

Hindi po ba ‘reinfection’ ang tawag doon Undersecretary Maria Rosario Vergeire?

Sa usapin naman ng bilyon-bilyong budget, may Bayanihan 1 na hanggang ngayon ay hindi pa natatapos at sa totoo lang ay marami pa ang naghihintay na mabiyayaan ng 2nd tranche.

Ngayon naman ang Bayanihan 2 na itinakda ng pamahalaan na ipokus sa mga frontliner sa hanay ng medical sector o community ay nais pang sumambot ng mga taga-turismo upang huwag umanong maghingalo ang kanilang kampanyang makatulong sa pagbangon ng bansa mula sa pandemya.

Kung mismong sa cabinet level ni Pangulong Rodrigo Duterte ay magulo kung paano nila gagastusin ang Bayanihan 2 na muli na namang manggagaling sa bulsa ng mga taxpayer, paano mapapanatag ang umaasang mamamayan na mayroon ngang direksiyon ang administrasyong ito kung paano wawakasan ang pandemya?!

Tanging Sputnik V na lang nga ba ang kasagutan?!

Tu-tu-tu-tut tutut… Filipinas, game ka na ba?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap

 

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

Pumapabor sa ICC ang kapalaran

FIRING LINEni Robert B. Roque, Jr. Inakala ko noon na nag-iisa lamang ako sa pambabatikos …

AKSYON AGAD ni Almar Danguilan

SSS revenue target para sa 2023, lumagpas sa 9.5 percent

AKSYON AGADni Almar Danguilan NAKATUTUWA ang napaulat nitong nagdaang linggo kaugnay sa  koleksyon “revenue”  ng …

Dragon Lady Amor Virata

Hirit sa P100 dagdag-sahod malabo

Isumbong mokay DRAGON LADYni Amor Virata SABI ng DOLE, ‘di kaya ng mga employers na …

Sipat Mat Vicencio

Hindi palulusutin ni PBBM sina Go, Tol, Bato sa 2025

SIPATni Mat Vicencio HINDI dapat umasa pa sina Senator Bong Go, Francis “Tol” Tolentino at …

FIRING LINE ni Robert B. Roque, Jr.

Paboritong krimen ‘pag Pebrero: Pag-ibig

FIRING LINEni Robert B. Roque, Jr. KAAKIBAT ng Pebrero ang ideya na ang kinakailangan ng …

Leave a Reply

Your email address will not be published. Required fields are marked *